Арал теңизинде 210 тонна балық набыт болды

Арал теңизинде 210 тонна балық набыт болды

 

Балық запасларын қорғаў қағыйдаларының бузылыўы Арал теңизинде балықлардың ғалабалық набыт болыўына себеп болған болыўы мүмкин, деп хабар берген Қазақстанның Қызыл Орда ўәлаяты прокуратурасының баспасөз хызмети.

Балықлардың ғалабалық набыт болыўы жағдайы 8-августқа өтетуғын күни Көк Арал дамбасының төменги бөлиминде жүз берген.

Қәнийгелердиң пикиринше, Сырдәрьяның төменги бөлеги, атап айтқанда, Киши Аралға келип түскен үлкен көлемдеги суў да бул апатқа себеп болған болыўы мүмкин.

«Ыссы ҳаўа райы ҳәм суў басымының төменлеўи нәтйижесинде жүзеге келген бундай жағдай нәтийжесинде 210 тонна жас балықлар набыт болды. Бул жағдай бойынша  Қызыл Орда ўәлаят тәбиятты қорғаў прокуратурасы тәрепинен «Балық запаслары қорғалыўы қағыйдаларының бузылыўы» ҳәм «жуўапкерсизлик» статьялары бойынша жынаят иси ашылған», - делинген хабарда, деп жазады asr.uz басылымы.

скачать dle 10.6фильмы бесплатно



  • 13-09-2017, 10:15 |
  • 731