Жумыс ўақты ҳәптесине  40 сааттан аспайды, мәмлекет хызмети лаўазымлары түр, топар ҳәм класларға бөлинеди

Өзбекистан Республикасы  норматив-ҳуқықый ҳүжжетлер  додалаўы сайтына  Өзбекистан Республикасының «Мәмлекет хызмети ҳаққында»ғы нызам жойбары қойылды. Бул ҳаққында kun.uz хабар бермекте.

Усы нызамның ўазыйпасы мәмлекет хызмети системасының хызмет көрсетиў нәтийжелигин тәмийинлеў мәмлекет хызметшилери статусын анықлап алыў, мәмлекет хызметин қабыллаў, өтеў ҳәм оны тоқтатыў бойынша әмелий система енгизиў, мәмлекет хызметшилериниң профессионализм ҳәм нәтийжелигин жоқарылатыў, олардың өзлерине жүклетилген лаўазым ўазыйпаларына бойсыныў жуўапкершилигин күшейтиўден ибарат.

Жойбарда «мәмлекет хызмети», «мәмлекет хызмети лаўазымы», «мәмлекет органы», «мәмлекет басқарыў органлары», «орынлардағы атқарыў ҳәкимият органлары», «мәмлекет хызметшиси», «квалификациялық студентлер», «мәмлекет хызмети жумыслары бойынша ўәкилликли орган», «мәмлекет органы  персоналы басқарыўы хызмети» сыяқлы тийкарғы түсиниклер келтирилген ҳәм оларға түсиниклер берилген.

      Мәмлекет хызмети лаўазымларын жуўапкерлик ҳәм ўәкиллик дәрежесине қарап А–Г түрлерине ҳәм I–III топарларға, сондай-ақ, квалификациялық класларға бөлиў усыныс етилмекте. Жоқары класс мәмлекет хызметшилерине Президент тәрепинен бериледи, 1–3-класлар бас ўәзир тәрепинен, 4–6-класлар — республика органлары басшылары тәрепинен. Мәлим бир классқа байланыслы дәрежесине жетискен мәмлекет хызметшилери лаўазымы ушын төленетуғын жумыс ҳақысына қосымша алыў ҳуқықына ийе болады.

      Нызам жойбарында мәмлекет хызметине тең кириў принципи орнатылады.

Мәмлекет хызметшилери ушын еки дем алыс күнине ийе болған 5 күнлик жумыс ҳәптеси енгизиў усыныс етилмекте. Егер мәмлекет хызметине характери ҳәм шәраятларына бола бес күнлик жумыс ҳәптеси енгизиўдиң илажы болмаса, ишки мийнет бөлистириўи яки басқа жергиликли дәлийлнама қуралында алты күнлик жумыс  ҳәптеси орнатылады. Нормал жумыс ўақтының даўамлығы ҳәптесине 40 сааттан асып кетиўине жол қойылмайды.

скачать dle 10.6фильмы бесплатно



  • 30-08-2017, 17:17 |
  • 474