Ҳүкимет муғаллим ҳәм шыпакерлерди пахта теримине жумсаўды қадаған етти

Өзбекистан ҳүкимети 2017-жылғы мәўсимде ер жетпеген жасларды, сондай-ақ, Ден саўлықты сақлаў тараўы ҳәм билимлендириў тараўы хызметшилерин пахта теримине тартыўды қадаған етти.

Бәнтлик ҳәм мийнет қатнасыклары министрлиги рәсмий сайтында жазылыўынша, 15-август күни министрдиң биринши орынбасары Эркин Муҳитдинов АҚШтың халық аралық қатнасықлары бойынша Сенат комитети делегациясы менен ушырасыўы ўақтында Министрлер Кабинети 8-август күни усы ҳаққында қарар қабыллағаны ҳаққында мәлим еткен.

Эркин Муҳитдинов улыўма миллий мәлимлеме кампаниясының арқасында жәмәәтшилик ендигиден былай қадаған етилген мийнет қатнасықлары әмелиятлары ҳаққында жақсырақ хабарланып атырғанын билдирген.

Ушырасыўда балалар мийнетине жол қоймаў, Өзбекистанда адам саўдасы профилактикасы бойынша алып барылып атырған реформалар ҳәм мийнет миграциясы тараўындағы қайта өзгерислер менен байланыслы мәселелер сөйлесилген.

Өзбекистанда пахта терими мәўсими сентябрь-октябрь айларына туўры келеди. Атап өтиў керек, алдынғы жыллары оқыўшылар, муғаллимлер ҳәм шыпакерлер пахта теримине тартылып келинген.

Буннан алдын жаңа пахта терими мәўсиминде ис ҳақылары көтерилиўи ҳәм өз ўақтында берилиўи ҳаққында хабар берилген еди.

 

скачать dle 10.6фильмы бесплатно



  • 24-08-2017, 08:49 |
  • 737