Нөкистеги пенсионерлерге неше көшпели кассалар напақа пулларын береди?

Кекселерди қәдирлеў ҳәм оларға ҳүрмет-иззет көрсетиў халқымыздың жоқары адамгершиликли пазыйлетлериниң биринен саналады. Соны да айтып өтиўимиз керек, Өзбекистан Республикасы Президенти Ш.Мир­зиёевтиң усы жыл 13-марттағы «Пенсия ҳәм напақалар төлеў механизмин және де жетилистириў ис-илажлары ҳаққында»ғы қарары мәмлекетимизде инсан  ҳәм  оның мәплериниң жоқары екенлигин көрсетпекте.

Акционерлик коммерциялық  «Халық банки» Қарақалпақстан Республикасы филиалы Нөкис бөлими тәрепинен усы қарар талапларын тәмийинлеў бойынша кең көлемли илажлар белгиленип, әмелий ислер алып барылмақта. Бүгинги күни Нөкис қаласындағы 58 мәкан пуқаралар жы­йынларында 24155 пенсионер ҳәм ма­йыплар бар болып, усы қарар талапларының орынлаўын тәмийинлеў мақсетинде пенсия төлемлери «Халық банк»тиң көшпели кассалары тәрепинен төлениўи енгизилмекте ҳәм олар­ға белгиленген тәртипте сапалы хызмет көрсетиў мақсетинде 14 көшпели кассаларда, бухгалтер, бақлаўшы ҳәм кассир бириктирилген төрт «Дамас» автомашиналары хызмет көрсетип, пенсионерлер ҳәр айлық пенсиясын кесте тийкарында өзи жасап атырған мәкан пуқаралар жыйынынан алыўы мүмкин. Белгиленген ўақытта пенсия­сын алыўға үлгере алмағанларға басқа күнлерде алыў имканияты да жаратыл­ған. Усы жерде айтып өтиў орынлы, пенсиясы үйге алып келип берилетуғынлардың да дизими болып, пенсия ҳәм напақалардың арнаўлы кассаларынан алыў имканиятына ийе болмағанларға да зәрүрли шараятлардың жаратылыўы нәзерде тутылған. Бул топардағыларға олар жасайтуғын мәнзилге жеткерип бериледи.

Сондай-ақ, банк тәрепинен пенсия ҳәм напақаларды төлеў механизмин жетилистириўде заманагөй мәлимлеме технологияларынан да кең пайдаланыў жолға қойылмақта. Өзбекистан Республикасы Қаржы министрлиги жанындағы бюджеттен тысқары Пенсия қоры тәрепинен «Халық банки» менен биргеликте пенсия ҳәм напақалар төлениўи он-лайн режимде СMС-хабардар етиў системасын әмелиятқа енгизиў, сондай-ақ, қаржылардың төлеў жағдайын автоматластырыў бо­йынша да  жумыслар алып барылмақта. Пенсия ҳәм напақаларды тарқатыў даўамында жүзеге келиўи мүмкин бол­ған машқалаларды өз ўақтында шешиў мақсетинде қаржы бөлиминде 1106 санлы қысқа номерли «Исеним теле­фон»лары шөлкемлестирилген.

Ҳүкиметимиз тәрепинен халқымыз­ға, әсиресе, кекселеримизге көрсетилип атырған бундай ғамқорлықлар оларды қуўанышқа бөлеп, абадан турмыста жасаўына тийкар жаратары сөзсиз.

 

Г.САПАРОВА

 

Дерек: erkinkarakalpak.uz

скачать dle 10.6фильмы бесплатно



  • 23-08-2017, 15:12 |
  • 603