Жаңа пахта мәўсиминде теримшилердиң мийнет ҳақысы көтериледи ҳәм өз ўақтында бериледи

Жаңа пахта мәўсиминде теримшилердиң мийнет ҳақысы көтериледи ҳәм өз ўақтында бериледи

Усы жылғы пахта терими мәўсиминде қолда терилген бир кг пахта ушын 400 сўмнан ҳақы төлениўи режелестирилген. Бул ҳаққында kun.uz ға дереги хабар берди.

Сондай-ақ, усы жылы терилген пахтаға ҳәр күни терилген пахта ушын есап-санақ атыздың басында әмелге асыралады, ис ҳақы ҳәр күни өз ўақтында берилиўи режелестирилген.

Мағлыўмат ушын, өткен жылы 1 кг пахта ушын 285 сўм, 2015-жылы болса 260 сўмнан ҳақы төленген.

Өткен жылларда терилген пахта ушын есап-санақ ҳәр 5 күнде әмелге асырылыўы белгиленген (әмелде болса 10-15-күнге созылып кетиў жағдайлары көп ушыраған).

2017-жылы 3 млн. тоннадан артық пахта кырманын терип алыў режеленген, жетистирилген пахтаның дерлик 100% ти қолда терип алыныўы есапқа алынады, буның ушын 1 триллион 200 миллиард сўмнан артық қаржы талап етиледи.

Атап өтиў керек, 2017-жылдың пахта шийки затын сатып алыў баҳалары еле жәрияланбады. Өткен жылы биринши сорт орта талшықлы пахта шийки затының бир кг 999 сўмнан 1333 сўмға шекем сатып алынған еди.

21-август күни Өзбекистан Президенти «2017-жылы пахта дефолиациясын өз ўақтында ҳәм сапалы өткериў бойынша комплексли шөлкемлестириў илажлары ҳаққында»ғы қарары тастыйықланды. Оған муўапық, пахта өнимин илажи барынша тезирек жыйнап алыў белгиленген.

 

Фото: «Ўзбекистон 24»

скачать dle 10.6фильмы бесплатно



  • 22-08-2017, 15:29 |
  • 920