«Таслақ» елатында ҳаялды тонаған басқыншы узақ мүддетке қамалды

1986-жылы туўылған қәўипли рецидивист Ф.Е. 2015-жыл 28-декабрь күни саат 18.30да спиртли ишимликлер ишкен мәс ҳалында Нөкис қаласы «Таслақ» мәкан пуқаралар жыйыны аймағында жайласқан «Космос» балалар мәдений дем алыў орайы алдында пуқара  Г.А.ға басқыншылық жолы менен ҳүжим жасайды. Оның басына қолы менен урып, аяғы менен теўип, жол шетине сүйреп алып барып, бет әлпетине урып жерге жығады. Суд-медициналық экспертизасының жуўмағына көре денсаўлығының бузылыўына алып келген «жеңил» дәрежедеги дене жарақатын жеткизеди. Басына кийип жүрген базар баҳасы 700.000 сумлық норка малақайын, қолындағы 25.000 сумлық ҳаяллар сумкасын ҳәм оның ишиндеги 650.000 сумлық уялы қол телефонын, телефонға тийисли ишиндеги 75.000 сумлық 16 ГБлық флешкасын, 6.000 сумлық бир дана телефон наушнигин, «Миллий банк»ке тийисли болған ишинде 410.000 сум ақшасы бол­ған пластик картасын, 12.000 сум нақ пул ақшасын, ҳәм басқа да затларын басқыншылық жолы менен тартып алып, ўақыя орнынан қашып кеткен. Бул ис-ҳәрекетлери менен Ф.Е. ЖКниң 164-статьясы 3-бөлими «а» бәнтинде нәзерде тутылған жынаятты ислегенликте айып­ланып, ЖКниң 59, 60, 61-статьялары тийкарында узақ мүддетке еркинен айырыў жазасы та­йынланды.

 

Н.ХАТАМОВ,

Қарақалпақстан Республикасы Жынаят ислери бойынша судының баслығы

 

Дерек: erkinkarakalpak.uz

скачать dle 10.6фильмы бесплатно



  • 22-08-2017, 13:02 |
  • 663