Қаракалпақстанда 49 исбилермен ықтыярлы түрде мәмлекетке 3 миллиард сўмнан артық салықлар ҳәм мәжбүрий төлемлерди төледи

Өзбекистан Республикасы Бас прокуратурасы жанындағы Салық, валютаға байланыслы жынаятлар ҳәм жынайый дәраматларды легалластырыўға қарсы гүресиў Департаментиниң Қарақалпақстан Республикасы бас­қармасы тәрепинен белгиленген салықлар ҳәм басқа да мәжбүрий төлемлерди төлеўден бас тартыўда, пайданы (дәраматты) ямаса салық салынатуғын басқа да объектлерди қасттан жасырыўда, кемейтип көрсетиўде гүман етилип атырған хожалық жүргизиўши субъектлер оператив қамтып алынып, олардың қаржы-хожалық ислерине араласпаған ҳалда салық уйымлары ҳәм басқа да тийисли мәкемелер менен биргеликте олар тәрепинен мәмлекетлик салық хызмети уйымларына усынылатуғын салық есабаты ҳүжжетлерин үйрениў шөлкемлестирилди.

Буның нәтийжесинде быйылғы жылдың биринши ярымы даўамында аймақлық бөлимлер тәрепинен салық уйымларына 59 жағдайда жәми 4 миллиард 764 миллион 600 мың сумлық салықлар ҳәм басқа да мәжбүрий төлемлерди төлеўден бас тартыўда, пайданы (дәраматты) ямаса салық салынатуғын басқа да объектлерди қасттан жасырыўда, кемейтип көрсетиўде гүман етилип атырған хожалық жүргизиўши субъектлер ҳаққындағы мағлыўматлар жиберилип, Қарақалпақстан Республикасы Мәмлекетлик салық басқармасының аймақлық бөлимлерине Өзбекистан Республикасы Салық кодексиниң 70-статьясы талаплары тийкарында бул хожалық жүргизиўши субъектлер бо­йынша камерал қадағалаўды әмелге асырыў усыныс етилди.

Өткерилген камерал қадағалаў барысында 59 хожалық жүргизиўши субъектлер тәрепинен жәми 4 миллиард 830 миллион 500 мың сумлық салық ҳәм басқа да мәжбүрий төлемлер салық есабатларында көрсетилмей ҳәм төленбей қалғаны ҳәм де олар тәрепинен усынылған салық есабатларында мәмлекетлик салық хызмети уйымларындағы мағлыўматлар арасында қарама-қарсылықлар барлығы анықланып, бул ҳаққында салық төлеўшиге тийисли дүзетиўлер киргизиў талап етилип, жазба түрде хабар етилиўи тәмийинленди.

Бул хожалық жүргизиўши субъектлер тәрепинен талапнама алынған күннен баслап он күнлик мүддетте анықластырылған салық есабатлары усынылып, 46 субъектлер тәрепинен ықтыярый рәўиште мәмлекет бюджетине қосымша 3 миллиард 591 миллион 500 мың сумлық салықлар ҳәм мәжбүрий төлемлер төлениўине ерисилди.

Жоқарыда әмелге асы­рыл­ған жумыслар нәтийжесинде хожалық жүргизиўши субъектлер тәрепинен исбилерменлик ҳәрекети бойынша ҳуқықбузарлыққа жол қойыў жағдайлары сапластырылмақта. Бул бағдарда басқарма ҳәм оның аймақлық бөлимлери тәрепинен мәмлекетлик салық уйымы хызметкерлери менен биргеликтеги жумыслар даўам еттирилмекте.

 

К.ШИРИНОВ,

Өзбекистан Республикасы Бас прокуратурасы жанындағы Салық,

валютаға байланыслы жынаятлар ҳәм жынайый дәраматларды легалластырыўға қарсы гүресиў Департаментиниң Қарақалпақстан Республикасы басқармасының бөлим баслығы.

 

 

Дерек: erkinkarakalpak.uz

скачать dle 10.6фильмы бесплатно



  • 22-08-2017, 12:36 |
  • 678