Сурхандәрья ҳәкими Telegram’дағы номерин мәлим етти. Қарақалпақстанда базы бир ҳәкимиятлардың сайты да ислемейди

Сурхандәрья ўәлаяты ҳәкими Эркинжон Турдимов Facebook’дағы бетинде Халық аралық пресс-клубтың Сурхандәрьяға сапары ҳақкында мәлим етти.

«Халық аралық пресс-клуб Сурхандәрья ўалаятында!

Сораў, усыныс ҳәм пикирлериңизди 0(376) 223-48-68 телефон номери ямаса Facebook’дағы (@turdimov) бетине ҳәм Telegram’дағы (+998973501847)  номерине жоллаўыңыз мүмкин», - делинген ўәлаят ҳәкими хабарында.

Эркинжон Турдимов Facebook’дағы бетинде турақлы түрде жаңалықларды жайластырып барыўдан тысқары Telegram’дағы номерин мәлим етиўде де биринши болды.

 

Усы орында Қарақалпақстан мысалына келсек. Қарақалпақстандағы ҳәкимиятлар сайтларының информация жайғастырыў көрсеткиши кәсиплесимиз Фурқат Юсуповтың kruz.uz сайтында жәриялаған. Журналисттиң берген рейтингине қарағанда, Нөкис, Беруний, Қараөзек, Кегейли, Қоңырат, Нөкис районы, Төрткүл, Шоманай, Елликқала районлары июль айында бирде бир жаңалық жайластырмаған. Қалған районлардың көрсеткишлери бир-бирине салыстырмалы түрде «тәўирлеў». Бир, еки информация салғаны менен ғана рейтингнен жақсырақ орын алған. Журналисттиң изертлеўи бойынша июль айында турақлы мағлыўмат салынғаны ушын биринши орын Елликқалаға, екинши ҳәм үшинши орын Қанлыкөл менен Тахтакөпирге берилген. Ҳәзирги Президентимиздиң алып барып атырған сиясаты барлық тараў басшыларының терең жуўапкершилик пенен халықтың арасына кирип жумыс ислеўин талап етеди. Талапқа жараса районларда көплеген жумыслар исленип атыр. Бирақ, негедур район ҳәкимлери өзлериниң ислеген сонша жумысын қолда бар имканиятынан келип шығып көрсетип бере алмай атыр. Әпиўайы мысал, Мойнақтың өзинде қаншадан-қанша жумыслар алып барылып атыр. Бирақ, биз оны я ЎзА дан, я басқа орайлық интернет басылымларынан көрип отырмыз. Кәсиплесимиз бираз ўақыт ислемей қалған айырым район ҳәкимиятының сайтларын «уйықлап» қалды деп теңеген болса, мен ҳеш екиленбей жаңаланып турмаған сайтларды «өлип қалған»ға теңер едим.

Айырым район (қала) ҳәкимиятларының сайтын көрип саўаттың усы жерге келип тоқтағанына өкинип кетесең. Саўат бар, бирақ итибар жоқ – ол да саўатсызлық! Грамматикалық қәтелер ҳаққында сөз етиў болса, бөлек тема. Дурыс, район ҳәкимияты сайтлары «Qaraqalpqastan Kompyuterlestiriw Orayi» тәрепинен бир қәлип (шаблон) тийкарында ислеп берилген. Сайтта қарақалпақ тилиниң сеслик өзгешелиги есапқа алынбай «ҳәкимият» ҳәм айырым районлардың атлары қәте жазылған. Бирақ тап усы сөзлер сайттың ең биринши көзге түсер сөзи. Сайтты өзгертиўге болады.

Сурхандәрья ҳәкими Telegram’дағы номерин мәлим етти. Қарақалпақстанда базы бир ҳәкимиятлардың сайты да ислемейди

 

Мысалы, Әмиўдәрья менен Елликқала районларының сайтын көриң.

Сурхандәрья ҳәкими Telegram’дағы номерин мәлим етти. Қарақалпақстанда базы бир ҳәкимиятлардың сайты да ислемейди

 

Төменде ҳәкимиятлардың рәсмий сайтларын келтиремен. Өзлериңиз бир көриң. Тақыятастың рәсмий сайтын тез арада иске түсиресиз деп үмит етемиз Фархат Ембергенович.

 

nukuscity.rk.uz

beruniy.rk.uz

qoraozak.rk.uz

kegeyli.rk.uz

qongirot.rk.uz

nukus.rk.uz

tortkol.rk.uz

shomanay.rk.uz

ellikqala.rk.uz

muynaq.rk.uz

xodjeyli.rk.uz

chimbay.rk.uz

taxtakopir.rk.uz

qonlikol.rk.uz

amudaryo.uz

 

Қандай уят?! Қандай уят?! Ҳәзир жигирма биринши әсир. Ояның ҳәкимлер!

Ислемей турған (жоқарыдағыдай кемшиликлери бар) район ҳәкимиятының сайтын дурыслаў ушын сол райондағы қарақалпақ тилин питкерген ҳәм ТИТУ питкерген (Ташкент информация технологиялары университети Нөкис филиалы) еки қәнийге бирге отырып сайтты дүзетиўи ушын ҳәким сайтқа итибарын қаратып қойыўы керек. Буның ушын да Президент тапсырма бериўи керек емес шығар… Сайттың жумысы бир бап болған соң Telegram туўралы да сөйлесермиз.

 

 

Лола Қаллыханова

журналист

 

 

скачать dle 10.6фильмы бесплатно



  • 20-08-2017, 19:18 |
  • 714