Сырт елге шығыў ушын биометрикалық паспорттың әмел етиў мүддети неше жыл?

Алдын хабарланғанындай, Өзбекистан пуқарасының сыртқа шығыўы ушын биометрикалық паспорты 2019-жылдың 1-январынан баслап енгизиледи. Шығыў стикерин рәсмийлестириў де усы сәнеден баслап бийкарланады. Өзбекистан Президенти Шавкат Мириёев бул ҳаққындағы пәрманын тастыйықлады.

Өзбекистан Республикасы Ишки ислер министрлиги усы пәрман талаплары орынланыўын тәмийинлеў ушын Мәмлекет персоналластырыў орайы, Сыртқы ислер министрлиги, басқа министрлик ҳәм мекемелер менен бирге 2018-жылдың 1-январына шекем Өзбекистан Республикасында паспорт системасы ҳәм Өзбекистан Республикасы пуқараларының сырт елге шығыў тәртиби ҳаққында жаңа редакциядағы нызам жойбарын ислеп шығады ҳәм тастыйықлаў ушын орнатылған тәртипте усынады.

Нызамда төмендегилер нәзерде тутылады:

- Өзбекистан Республикасы пуқарасының 2011-жыл үлгисиндеги биометрикалық паспорт ийесиниң шахсы ҳәм пуқаралығын тастыйықлаўшы ҳүжжет есапланады ҳәм оннан республика аймағында улыўма пуқаралық ҳүжжети сыпатында пайдаланады;

- заманагөй информация технологиялары енгизилиўин есапқа алып, сырт елге шығыў ушын биометрикалық паспортты рәсмийлестириў ҳәм бериў мүддети 15 жумыс күнинен 10 жумыс күнине шекем қысқартылады;

- халық аралық тәжирийбеге муўапық, Өзбекистан Республикасы пуқарасының сырт елге шығыў ушын биометрикалық паспортының әмел етиў мүддети ер жетпеген шахслар ушын 5 жылға шекем, 16 жастан үлкен шахслар ушын 10 жылды қурайды;

- халыққа электрон арза усыныў, электрон нәўбет, мәмлекет бажын электрон төлем системасы арқалы төлеў сыяқлы интерактив хызметлер көрсетиў көлемин кеңейтиў, сондай-ақ ҳүжжеттиң таярлығын тексериў бойынша арнаўлы хызметлерден пайдаланған ҳалда ҳүжжетти бериў тәртиби белгиленеди;

- Ишки ислер министрлигиниң миграция ҳәм пуқаралықты рәсмийлестириў қала ҳәм район бөлимлериниң ўазыйпалары кеңейтиледи ҳәм усы себепли пуқаралар сырт елге шығыў ушын паспорт алыў бойынша арзаны Ишки ислер министрлигиниң турақлы жасаў орнындағы миграция ҳәм пуқаралықты рәсмийлестириў қала/район бөлимлерине усыныўы мүмкин. Ҳәзирги ўақытта усы ўазыйпалар Ишки ислер министрлигиниң миграция ҳәм пуқаралықты рәсмийлестириў ўәлаят басқармаларына жүклетилген;

- ҳүжжетлерди қабыллаў процессинде «Электрон ҳүкимет» системасы имканиятлары арқалы керекли барлық мағлыўматларды алыўды өзинде жәмлеген «бир айна» системасынан пайдаланылады;

- енгизилетуғын паспорттың өзине түсер баҳасы ҳәм биометрикалық паспорт системасына техник хызмет көрсетиў зәрүрлигинен келип шыққан ҳалда, халыққа усы ҳүжжетлерди бериў бойынша мәмлекет бажының тийисли муғдары белгиленеди.

скачать dle 10.6фильмы бесплатно



  • 17-08-2017, 11:51 |
  • 637