Өзбекистан Әдиллик министри өзгерди

Өзбекистан Республикасы Президенти Шавкат Мирзиёев Русланбек Қуролтоевич Давлетовти Әдиллик министрилигиниң жаңа баслығы етип тайынлады. Бул ҳаққында «Кун.uz» хабар бермекте.

Өзбекистан Әдиллик министри өзгерди

 

Русланбек Давлетов 2015-жылдың басынан баслап ислеп келген Музраф Икромов орнын ийеледи. Икромов Өзбекистан Республикасы Есап палатасына баслық болған.

Русланбек Давлетов усы жылдың январь айында Өзбекистан Президенти мәсләҳатшисиниң физикалық ҳәм юридикалық шахслар мүрәжатлары менен ислеўди қадағалаў ҳәм муўапықластырыў бойынша биринши орынбасары етип тайынланған еди.

Давлетов 1980-жылы Хорезм ўәлаятының Шовот  районында туўылған. Мағлыўматы – жоқары, юрист, экономист. 2001-жыл Уллы Британияның Варвик университети, 2003-жылы Жәҳан экономикасы ҳәм дипломатия университети (магистратура), 2007-жыл Ташкент мәмлекетлик экономика университети ҳәм 2010-жыл Өзбекистан Республикасы Президенти жанындағы мәмлекет ҳәм жәмийет қурылысы академиясын тамамлаған.

Ол мийнет искерлигин 2001-жыл Монополиядан шығарыў ҳәм бәсекиликти раўажландырыў мәмлекетлик комитетинде жетекши қәнийге сыпатында баслаған. Кейин ала усы комитетте бас қәнийге, бөлим баслығы ўазыйпасын атқарыўшы болып ислеген.

2004-2012-жыллары Министрлер Кабинети Ҳуқықый экспертиза ҳәм халық аралық шәртнамалар басқармасы бас қәнийгеси, 2012-2014-жыллары Жоқары суд жанындағы Суд нызамшылығын демократластырыў ҳәм либералластырыў, суд системасы еркинлигин тәмийинлеў изертлеў орайы директоры орынбасары ҳәм директор ў.а., 2014-2016-жыллары - Өзбекистан Республикасы Президенти аппараты Олий Мажлис, сиясий ҳәм жәмәәт шөлкемлери менен бирге ислесиў хызмети Өзбекистан Республикасы Олий Мажлиси Сенаты ҳәм Нызамшылық палатасы дүзилмелери менен жумысларды муўапықластырыў сынарының баслығы лаўазымларында жумыс ислеген. 2016-жылдың сентябринен 2017-жыл январына шекем Әдиллик министриниң биринши орынбасары болған.

скачать dle 10.6фильмы бесплатно



  • 15-08-2017, 09:36 |
  • 497