Бала бақшалар енди балаларды 3 жастан қабыллайды

 

Бала бақшалар енди балаларды 3 жастан қабыллайды

 

Өзбекистан Республикасы Министрлер Кабинетиниң 2017-жыл 19-июльдағы «Мектепке шекемги билимлендириў мекемелери жумысын жетилистириў ҳаққында»ғы 528-санлы қарары жәрияланды. "Норма.уз" сайты мектепке шекемги билимлендириў мекемелери (бала бақша) жумысына байланыслы қағыйдалар ҳаққындағы мағлыўматты жәриялады.

Оған муўапық, бала бақшалардың мақсетлери төмендегилерден ибарат:

- балаларды ҳәр тәреплеме интеллектуал, тәрбиялық, эстетикалық ҳәм физикалық раўажландырыў;

- балаларды тәлим ҳәм тәрбия арқалы мектепке сапалы таярлаў;

- балаларды мектепке шекемги билимлендириўге тартыў.

Мәмлекетлик мектепке шекемги билимлендириў мекемелеринде бес күнлик жумыс ҳәптеси ушын, қағыйда сыпатында, төмендеги ис тәртиби енгизиледи:

- 12 саатлы;

- 10,5 саатлы;

- 9 саатлы;

- 4 саатлы.

Мәмлекетлик мектепке шекемги билимлендириў мекемелерине 3 жастан 7 жасқа шекемги болған балалар қабылланады (алдын бул көрсеткиш 2-6 жасты қураған, бөлек жағдайларда 7 жасқа шекем рухсат берилген).

Балаларды бала бақшаларға қабыллаў ушын қабыллаў комиссиялары дүзиледи. Усы комиссиялар 5 адамнан ибарат болады.

- қабыллаў комиссиясы баслығы – Халық билимлендириў мекемелери жумысын методикалық тәмийинлеў ҳәм шөлкемлестириў район (қала) бөлими баслығы;

- қабыллаў комиссиялары ағзалары – Мәмлекетлик мектепке шекемги билимлендириў мекемеси баслығы, методисти ҳәм пуқаралардың өзин-өзи басқарыў органы ўәкили;

- қабыллаў комиссиясы хаткери - Халық билимлендириў мекемелери жумысын методикалық тәмийинлеў ҳәм шөлкемлестириў район (қала) бөлиминиң мектепке шекемги билимлендириў бөлими қәнийгеси.

Мәмлекетлик бала бақшаларға жолланба алыў ушын ата-аналар ямаса олардың орнын басыўшы шахслар (кейинги орынларда ата-аналар деп жазылады) тәрепинен қабыллаў комиссиясына төмендеги ҳүжжетлер тапсырылады:

- мәмлекетлик мектепке шекемги билимлендириў мекемелерине қабыллаў бойынша жолланба бериў ҳаққында арза;

- баланың туўылғанлығы ҳаққында гүўалықтың нусхасы;

- баланың әкеси ямаса анасының паспорт нусхасы;

- жасаў орнынан мағлыўматнама;

- ата-ананың жумыс орнынан мағлыўматнама (егер ислесе).

Усынылған ҳүжжетлер қабыллаў комиссиясы тәрепинен жети күн мүддетте көрип шығылып, төмендеги қарарлардан бири қабылланады:

- баланы ата-аналар тәрепинен жазылған арзада көрсетилген мәмлекетлик мектепке шекемги билимлендириў мекемесине (бала бақшаға) қабыллаў ушын жолланба бериў ҳаққында;

- ата-аналар тәрепинен жазылған арзада көрсетилген мәмлекетлик бала бақшаларда бос орын болмаған жағдайларда тапсырылған ҳүжжетлерди нәўбетке қойыў ҳаққында;

- ата-аналар тәрепинен жазылған арзада көрсетилген мәмлекетлик бала бақшаларда бос орын болмаған жағдайларда, ата-аналардың қәлеўине қарап тийисли аймақтағы бос орын болған басқа мәмлекетлик бала бақшаға жолланба бериў ҳаққында.

Қабыллаў комиссиясының қарары ҳаққында үш күн мүддетте арза бериўшилерге мағлыўмат бериледи.

скачать dle 10.6фильмы бесплатно



  • 14-08-2017, 18:57 |
  • 1 060