Енди Нөкистеги тойларда шөберек-шаршы, артистлер, «гулянка»лар болмайды

Енди Нөкистеги тойларда шөберек-шаршы, артистлер, «гулянка»лар болмайды

Президент Шавкат Мирзиёев жақында дөретиўши зыялылар менен болған ушырасыўында тойларды тәртипке салыў бойынша да пикирлерин билдирип, тийисли басшыларға тапсырмалар берген еди.

Қарақалпақстан хабар агентлиги мәлим етиўинше, Президент тапсырмасы тийкарында Нөкис қаласы ҳәкимлиги тәрепинен де тийисли илажлар ислеп шығылмақта.

Нөкис қаласы ҳәкимлигиниӊ билдириўинше, қаладағы тойларда да айырым жаӊа «дәстүр»лерге тыйым салынады.

Атап айтқанда:

 – Автотранспортларда жас келин-күйеў сейили (гулянка);

 – ағайин-туўған, қуда-қудағайлардың шүберек-шаршы менен сарпайлаў;

– тойларда танымалы қосықшыларды бир-еки қосық атқарып кетиўи ушын жаллаў;

– келин-күйеўдиң торт кесип, бир-бирине жегизиў мәресими;

– келинниң жас қурбыларына гүл ылақтырыўы.

Ҳәзирги күнде ҳәкимлик тәрепинен тойларды тәртипке келтириў бойынша шешим жойбары таярланбақта ҳәм мәҳәллелерден бул бойынша пикир-усыныслар жыйналмақта.

Тойларды ықшам, шығымсыз, ысырапкершиликсиз, дәбдебелерсиз болып өтиўи бойынша жоқарыда шек қойылған «дәстүр»лер дизими еле де толықтырылып барылады.

Киргизилген қосымшалар ҳәм өзгерислер ҳаққында мағылыўмат берип барамыз.

 

 

 

скачать dle 10.6фильмы бесплатно



  • 9-08-2017, 17:27 |
  • 771