ОВИР стикерин бийкарлаў ҳәм сырт елге шығыў паспортын енгизиў бойынша ҳүжжет таяр болды

Өзбекистан Республикасы Сыртқы ислер министри Абдулазиз Комилов 7-август күни мекемелер аралық жыйналыс өткерди. Онда усы жылдың 5-июль күни болып өткен Өзбекистан Республикасы Сыртқы ислер министриниң ўатанласлар менен туўрыдан-туўры сөйлесиўи шеңберинде көтерилген мәселелерин шешиў бойынша исленип атырған жумыслар ҳаққында мағлыўмат тыңланды.

Министрлик баспасөз хызмети мәлим етиўинше, илажда Өзбекистан Республикасы Президенти Аппараты, Бас прокуратура, Ишки ислер министрлиги, Бәнтлик ҳәм мийнет қатнасықлары министрлиги, Минстрлер Кабинети жанындағы Мәмлекет персоналластырыў орайы, Бәнтлик ҳәм мийнет қатнасықлары министрлиги жанындағы Сыртқы миграциясы мәселелери агентлиги ҳәм басқа мәмлекет дүзилмелери ўәкиллери қатнасқан.

Хабар берилиўинше, Өзбекистан Республикасы Преиденти Шавкат Мирзиёев тапсырмасына муўапық пуқаралардың шет елге барыў рухсатнама жазыўы стикерин (ОВИР) бийкарлаў ҳәм сыртқа шығыў паспортын басқышпа-басқыш енгизиўди нәзерде тутыўшы, пуқаралықтан шығыўды рәсмийлестириў ҳәм шетке келген пуқаралардың мийнет жумысын әмелге асырыў ушын лицензия бериў тәртибин әпиўайыластырыў ҳаққындағы мәмлекет баслығы қарарлары жойбарлары ҳәм нызамшылыққа, нызам асты ҳүжжетлерине өзгерис киритиў бойынша басқа усыныслар таярланғаны ҳәм мекемелер аралық келисиў басқышында турған мағлыўмат ушын қабылланды.

Сондай-ақ, Сыртқы мийнет миграциясы мәселелери агентлигиниң мийнет мигрантлары тийисли социаллық пакет, атап айтқанда керекли жасаў-хожалық шәраят, ылайық мийнет ҳақы дәрежеси ҳәм басқа жеңилликлер менен тәмийинлеўди нәзерде тутыўшы Өзбекистан пуқараларын жумысқа жаллаўды шөлкемлестириў бойынша ири сыртқы шериклер менен еки тәреплеме келисимлер дүзиў бойынша жумысы қоллап-қуўатланған.

Жыйналыс жуўмақларына бола Мекемелер аралық исши топары қурамы ҳәм оның 2017-2018-жылларға белгиленген Ис-режеси келисилген ҳәм тастыйықлаў ушын усыныс киритилген.

скачать dle 10.6фильмы бесплатно



  • 8-08-2017, 09:24 |
  • 358