Жоқары әскерий оқыў орынларында жумыс ислеў ушын пенсионерге ҳүжжетлер топламы керек (дизим)

Қорғаныў министрлиги, Бәнтлик ҳәм мийнет қатнасықлары министрлиги қарары (2017-жыл 24-июль) менен Әскерий хызметшилер арасынан пенсионерлерди жоқары әскерий билимлендириў мекемелериниң илимий хызметшилери ҳәм муғаллимлери лаўазымларына жумысқа қабыллаў тәртиби ҳаққындағы нызам тастыйықланды. Бул ҳаққында Norma.uz хабар бермекте.

Еслетип өтемиз, Президенттиң 17.02.2017-жылдағы ПП-4960-сан “Өзбекистан Республикасы Қураллы Күшлериниң пенсионерлерди социаллық қорғаўды еле де жетилистириў ис-илажлары ҳаққында»ғы пәрманы менен Қураллы күшлер академиясы, жоқары әскерий билимлендириў мекемелеринде муғаллим ҳәм иилимий хызметкер сыпатында мийнет жумысын әмелге асыратуғын Қорғаныў министрлиги әскерий хызметшилери толық пенсия алыў ҳуқықына ийе ислеўши пенсионерлер қатарына киритилген.

Қабылланған ҳүжжет тек ғана Қорғаныў министрлигиниң жоқары әскерий билимлендириў мекемелерине енгизиледи (ЖӘБМ).

Тийисли мағлыўматқа, кәсиплик таярлыққа ҳәм жоқары қулқлы қәсийетке ийе болған Өзбекистан пуқаралары ЖӘБМде педагог искерлиги менен шуғылланыўы мүмкин.

Илимий хызметши ҳәм оқытыўшы лаўазымына қабыллаў таңлаў тийкарында әмелге асырылады. Бунда илимий дәреже ҳәм илимий атаққа терең кәсиплик билим ҳәм тәжирийбеге ийе болған талабанларға үстемлик бериледи.

Таңлаўда қатнасыў тилегин билдирген пенсионерлер таңлаў жәрияланған күннен баслап 1 ай мүддет ишинде керекли ҳүжжетлерди тапсырыўы керек. Олардың дизими:

- арза;

- паспорт нусхасы;

- пенсия гүўалығы нусхасы;

- Қураллы күшлер резервиндеги әскерий хызметшиниң гүўалығы;

- белгиленген формада толтырылған сораўнама;

- өмирбаян;

- жоқары мағлыўмат ҳаққындағы дипломның нусхасы;

- мийнет дәптершеси (бар болса);

- тийисли илимий дәрежеси ҳаққындағы дипломның нусхасы (бар болса);

- тийисли илимий атағы ҳаққындағы аттестаттың нусхасы (бар болса);

- илимий жумыслар дизими (бар болса);

- илимий жумыслар ҳәм ойлап табыўларға тийисли ҳүжжетлер ҳәм басқа авторлық ҳуқықты тастыйықлаўшы ҳүжжетлер нусхасы (бар болса).
Пенсионерлер жоқарыда көрсетилген лаўазымларға жоқары әскерий билимлендириў мекемелериниң басшылары тәрепинен тайынланады.

скачать dle 10.6фильмы бесплатно



  • 7-08-2017, 22:06 |
  • 222