Барлық нотариуслар жаңадан «Нотариус» автоматластырылған хабар системасы тийкарында жумыс алып барыўы енгизилди

Өзбекистан Республикасы әдиллик министриниң 2016-жыл 26-декабрьдеги 304-мҳ-санлы буйрығы менен «Нотариуслар тәрепинен нотариал ҳәрекетлерди әмелге асырыў тәртиби ҳаққында»ғы қолланбаға тийкар, 2017-жылдың 1-январь күнинен баслап Өзбекистан Республикасында хызмет көрсетип атырған барлық нотариуслар жаңадан «Нотариус» автоматластырылған хабар системасы тийкарында жумыс алып барыўы енгизилди.

Яғный, нотариуслар нотариал ҳәрекетлерди рәсмийлестириў барысында ендигиден былай «Нотариус» автоматластырыл­ған хабар системасынан пайдаланады.

Бул система нотариал ҳәрекетлерди әмелге асырыў менен байланыслы процесслерди автоматластырыў, көшпес мүлк ҳәм автомототранспорт қуралларын басқа шахсқа өткериўге тыйым (қадаған) қойылмағанлығы яки хатланбағанлығы бойынша бирден-бир мағлыўматлар базасы болып табылады, сондай-ақ, уйым­лар аралық электрон бирге ислесиў жолы менен мәмлекетлик хызметлерин көрсетиў ушын мөлшерленген.

Усы система имканиятларынан келип шығып, әмелге асырылған нотариал ҳәрекетлер, питимлер бийкар болғанлығы яки оларға киргизилген өзгерис ҳәм қосымшалар туўралы мағлыўматлар киргизиледи.

Мәмлекетлик нотариал кеңсеси тәрепинен нотариал ҳәрекетлер әмелге асырылғанда, мүлкти басқа шахсқа өткериўде тыйым (қадаған) қойылмағанлығы яки хатланбағанлығы ҳаққындағы мағлыўматлар нотариус тәрепинен усы системадан тексериледи.

Бул өзгерис ҳәм қосымшалар киргизилместен алдын, физикалық ҳәм юридикалық шахслар өзлерине тийисли болған мал-мүлклерди өзге шахсқа өткериўге тыйым (қадаған) салынғанлығы ҳәм хатлаўлар қойылғанлығы ҳаққында мағлыўматларды тек ғана тыйым (қадаған) база орнатылған аймақлық мәмлекетлик нотариал кеңсесинен алатуғын болса, ендигиден былай Өзбекистан Республикасының барлық мәмлекетлик нотариал кеңсесинен усы мағлыўматларды алыў имканиятларына ийе болды.

Сондай-ақ, нотариал тастыйықланған исеним хатлар бийкар болғанлығы яки болмағанлығы ҳәм де ўәсиятнама бо­йынша мийрасқа болған ҳуқық ҳаққындағы гүўалық бериў барысында да усы хабар системасы арқалы тексериледи.

Мәмлекетлик нотариал кеңсеси исбилерменлик субъектлери көшпес мүлклерге байланыслы мийрас ислери бойынша нотариал ҳәрекетлерди әмелге асырыў ушын мүрәжат еткенде, мийрас қалдырыўшының усы көшпес мал-мүлклерге мүлк ҳуқықы тийкарында тийислилигин тастыйықлаўшы ҳүжжетлер, нотариус тәрепинен уйымларара сораўнама арқалы «Жергеодезкадастр» мәмлекетлик комитети аймақлық бөлимлеринен алыныўы көрсетилди.

Соны айрықша атап өтиў мүмкин, ҳәрекеттеги нызамшылыққа киргизилген усы өзгерис ҳәм қосымшаларға муўапық, көшпес мүлклерди алды-сатты, алмастырыў ҳәм саўға келисимлерин тастыйықлаў Ташкент қаласында — 2017-жыл 1-июльден, Қарақалпақстан Республикасы ҳәм ўәлаятларда — 2018-жыл 1-июльден баслап Министрлер Кабинетиниң 2017-жыл 27-февральдағы 106-санлы қарары менен тастыйықланған көшпес мүлктиң алды-сатты, алмастырыў ҳәм саўға келисимлерин мәкемелераралық электрон байланысты қолланған ҳалда нотариал тастыйықлаў тәртиби ҳаққындағы Реже ҳәм де Өзбекистан Республикасы Әдиллик минис­триниң 2017-жыл 5-апрельдеги «Нотариуслар тәрепинен нотариал ҳәрекетлерди әмелге асырыў тәртиби ҳаққындағы қолланбаға өзгерис ҳәм қосымшалар киргизиў ҳаққында»ғы 71-мҳ-санлы буйрығы талаплары тийкарында әмелге асырылыўы белгиленди.

 

А.АТАЖАНОВ,

Қарақалпақстан Республикасы

Әдиллик министриниң биринши орынбасары

скачать dle 10.6фильмы бесплатно



  • 4-08-2017, 11:36 |
  • 454