Физикалық шахслар тәрепинен бажыхана шегарасы арқалы алып өтилетуғын затларға нелер киреди?

Өзбекистан Республикасы Мәмлекетлик бажыхана комитети физикалық шахслардың бажыхана шегарасы арқалы емин-еркин ҳәрекетлениўи ушын мудамы дыққат аўдарып келмекте. Соның менен бир қатарда, олардың бажыхана шегарасында қолай ҳәм тез ҳәрекетлениўи ушын мәмлекетлик бажыхана комитети тәрепинен турақлы түрде бажыхана рәсмийлестирилиўи ҳәм бажыхана қадағалаўы әмелге асырылмақта.

Әлбетте, Өзбекистан Республикасы бажыхана шегарасын кесип өткенде яки почта жөнелтпелерин жибериўде ямаса қабыллаўда бажыхана менен байланыслы түсинбеўшилик жағдайлары ушырасады. Усындай түсинбеўшиликлерди тәртипке салыў ушын 2016-жыл 20-январь сәнесинде Өзбекистан Республикасының Бажыхана кодекси кабыл етилди. Бул кодекстиң 23-бап 155-статьясы физикалық шахслар тәрепинен коммерциялық емес мақсетте алып өтилетуғын товарларға байланыслы.

Физикалық шахслар тәрепинен жеке зәрүрликлери ушын алып кирилетуғын ямаса алып шығылатуғын ҳәм исбилерменлик жумысы ушын мөлшерленбеген товарлар физикалық шахслар тәрепинен коммерциялық емес мақсетлерде алып өтилетуғын товарлар деп есапланады. Физикалық шахслар тәрепинен бул товарлар бажыхана шегарасы арқалы әпиўайылас­тырылған тәртипте ҳәм усы бапта нәзерде тутылған жеңилликлер қолланылған ҳалда алып өтиледи.

Сондай-ақ, физикалық шахслар тәрепинен бажыхана шегарасы арқалы алып өтилип атырған товарлардың қандай мақсетке мөлшерленгенлигин анықлаўда төмендегилер есапқа алынады — товарлардың муғдары, онда товарларды алып өтип атырған физикалық шахс ҳәм оның шаңарақ ағзаларының зәрүрликлеринен зыят муғдардағы бир түрдеги товарларға, егер товарларды алып өтип атыр­ған шахс керисинше дәлиллеп бермесе, исбилерменлик жумысында пайдаланыў ушын алып кирилип атыр­ған товарлар деп қаралады; товарларды алып өтиўдиң қайталаныўы, онда әйне бир шахс тәрепинен бир түрдеги товарлардың бир неше мәрте алып кирилиўине, егер алып өтип атырған шахс керисинше дәлиллеп бермесе, исбилерменлик жумысында пайдаланыў ушын товарларды алып кириў деп қаралады; соның менен бирге сапардың жағдайлары, бунда сапардың мақсети ҳәм оның даўамлылығы есапқа алынады.

Физикалық шахслар тәрепинен бул товарларды алып өтиў төмендегише әпиўайыластырылған тәртипте әмелге асырылады — товарларға байланыслы экономикалық сиясат илажлары, соның ишинде, товарлардың қәўипсизлигине байланыслы стандартларға ҳәм талапларға муўапықлығын мәжбүрий тастыйықлаўдың қолланылмаўы, оған еркин айланысқа шығарыў (импорт) ямаса экспорт бажыхана режимлерине товар сыпатында орналастырылатуғын транспорт қуралы кирмейди; товардың бажыхана жүк декларациясы толтырылмайтуғын бажыхана рәсмийлестириўи тәртиби, оған еркин айланысқа шығарыў (импорт) ямаса экспорт бажыхана режимлерине товар сыпатында орна­лас­тырылатуғын транспорт қуралы кирмейди. Буннан тысқары, бажыхана төлемлери төмендеги жағдайларда қолланылмайды — физикалық шахслар тәрепинен коммерциялық емес мақсетлерде халықаралық почта ҳәм курьерлик жөнелтпелеринде жиберилип атырған товарларға,  товарларды нызам ҳүжжетлеринде белгиленген бажысыз алып кириў нормасы ҳәм акциз салығы салынбайтуғын алып кириў нормасы шеңберинде; физикалық шахслар тәрепинен коммерциялық емес мақсетлерде алып өтилип атырған товарлар ушын, товарларды нызам ҳүжжетлеринде белгиленген бажысыз алып кириў нормасы ҳәм акциз салығы салынбайтуғын алып кириў нормасы шеңберинде, оған физикалық шахстың мәнзилине киятырған товарлар кирмейди; турақлы жасаў орны өзгергени мүнәсибети менен физикалық шахслар тәрепинен бажыхана шегарасы арқалы алып өтилип атырған жеке мал-мүлк ушын, оған транспорт қураллары кирмейди.

Соны айтып өтиўимиз керек, нызам ҳүжжетлерин билмеў ҳеш кимди де жуўапкершиликтен азат етпейди. Сонлықтан да, барлық жағдайларда да жумысларымызды нызам шеңберинде ислеўимиз тийис.

 

Н.МАТЕКЕЕВА,

«Хожели» шегара бажыхана посты инспекторы,

бажыхана хызмети аға лейтенанты

 

Дерек: erkinkarakalpak.uz

скачать dle 10.6фильмы бесплатно



  • 4-08-2017, 11:16 |
  • 611