Нөкистеги қайсы МПЖда усы жылдың алты айы даўамында ҳеш қандай жынаят болмаған?

 

Нөкистеги қайсы МПЖда усы жылдың алты айы даўамында ҳеш қандай жынаят болмаған?

 

Жақында Нөкис қаласы ишки ислер бөлиминде Ҳуқықбузарлықлар профилактикасы ҳәм жынаятшылыққа қарсы гүресиў бойынша Нөкис қалалық мәкемелер аралық комиссиясының мәжилиси болып өтти. Оған ҳуқық қорғаў уйымлары, тийисли шөлкемлердиң жуўапкер хызметкерлери ҳәм ғалаба хабар қураллары ўәкиллери қатнасты.

Илажды Нөкис қаласы ишки ислер бөлими баслығы Г.Сейтназаров басқарып барды. Атап өтилгениндей, бүгинги күнде жүз берген жынаятларды талқылағанымызда, көпшилик жағдайда спирт­ли ишимликлер ишип, мәс ҳалында автотранспорт қуралларын басқарыў, шаңарақларда жүз берип атырған  келиспеўшиликлер ҳәм айырым ата-аналардың өз перзентлери тәғдирине бий­пәрўалық пенен қараўлары ақыбетинде жүз берип атырғанлығы анықланбақта.

Соның менен бирге, жүргизилип атырған профилактикалық илажлар даўамында жүз берген жынаятлар аймақ турғынлары менен талқыланып, өзиниң унамлы нәтийжесин бермекте. Атап айтқанда, усы жылдың алты айы даўамында «Нәўбәҳәр», «Тынышлық», «Ақ отаў», «Гүлзар», «Қутлы мәкан» мәкан пуқаралар жыйынлары аймақларында ҳеш қандай жынаят жүз бермеди.

Илаж соңында ҳуқық қорғаў уйымлары, тийисли шөлкемлердиң жуўапкер хызметкерлери алып барылған профилактикалық илажлардың нәтийжеси бойынша ҳәр айдың 5-10 сәнеси аралығында мәкемелераралық комиссиясына есап берип барыў кереклигине итибар қаратылды, тийисли ўазыйпалар белгиленди.

 

Дерек: erkinkarakalpak.uz

скачать dle 10.6фильмы бесплатно



  • 3-08-2017, 15:11 |
  • 813