Мобиль операторлар 1-август күни SMS ҳәм интернетти ўақтынша өширеди

 Мобиль операторлар 1-август күни SMS ҳәм интернетти ўақтынша өширеди

Өзбекистан мобиль операторлары 1-август күни профилактика ислери өткерилиўи ҳаққында мәлим етти, деп жазады kun.uz хабар берди.

SMS ҳәм мобиль интернет бойынша хызметлер саат 8:30 дан 13:30 ге шекем усынылмайды. Даўыслы байланыс болса шеклеўлерсиз ислейди.

Ўақтынша шеклеўлер ҳаққында ескертиў Ucell, Beeline ҳәм Perfectum операторлары сайтында жайластырылды.

«Ҳүрметли абонентлер, Өзбекистан Республикасы телекоммуникация тармақларында профилактика жумыслары алып барылыўы себепли 01.08.2017-ж. саат 08.30 дан 13.30 ге шекем компания қосымша хызметлери (SMS, MMS, WAP ҳәм GPRS) ўақтынша әмел етпейди. Даўыслы қоңыраўлар әдеттеги тәртипте ислейди. Қолайсызлықлар ушын кеширим сораймыз», - делинген Ucell хабарында.

«2017-жылдың 1-август күни профилактика ислери алып барылыўы себепли саат 8:30 дан 13:30 ге шекем SMS, MMS ҳәм Интернет хызметлери ўақтынша әмел етпейди. Қолайсызлықлар ушын кеширим сораймыз», - делинген Beeline сайтында.

Басқа операторлар да бул бағдарда арнаўлы хабар менен шығыўы күтилмекте.

Мағлыўмат ушын, 1-август күни Өзбекистанның барлық жоқары оқыў орынларында тест сынақлары болып өтеди.

скачать dle 10.6фильмы бесплатно



  • 31-07-2017, 16:46 |
  • 396