Электрон санлы имзаны «Бир айна» арқалы алыў мүмкин болады

Өзбекистан Республикасы Министрлер Кабинети исбилерменлик субъектлерине мәмлекет хызметлерин көрсетиўди жетилистириў мақсетинде жаңа қарар жойбарын таярламақта.

Оның жойбары номратив ҳуқықый ҳүжжетлердиң додалаўы порталына жайластырылған.

Оған муўапық, Өзбекистан Республикасы Президентиниң 2015-жыл 28-сентябрьдеги ПҚ-2412-санлы «Исбилерменлик субъектлерине «бир айна» қағыйдасы арқалы көрсетилетуғын мәмлекет хызметлерин еле де жетилистириў илажлары ҳаққында»ғы қарары менен тастыйықланған тек ғана «бир айна» қағыйдасы арқалы исбилерменлик субъектлерине көрсетилетуғын мәмлекет хызметлери дизимине қосымша киритиў нәзерде тутылмақта.

Усыныс етилип атырған 17-бәнтке муўапық, электрон санлы имзаларды дизимнен өткериў ҳәм электрон санлы имзалар сертификатларын усыныў «бир айна» жумысы шеңберине киритиледи.

Бунда электрон санлы имза Мәмлекет салық комитети жанындағы дизимге алыў Орайында дизимге алынады.

скачать dle 10.6фильмы бесплатно



  • 24-07-2017, 14:09 |
  • 413