Октябрьде қандай ҳаўа райы болыўы ҳаққында

Быйылғы жылы сентябрь айында да, әдетте Өзбекстанда бақланғаны сыяқлы, мәмлекет аймағының үлкен бөлегинде ҳаўа райы тийкарынан қурғақ ҳәм аз бултлы,  күшсиз самал болды. Таўлы районларда 2-3 рет тийкарынан күшсиз ҳәм орташа қысқа мүддетли жаўынлар бақланды.

Сентябрь айының биринши ярымы ыссы болып,  температура 27-30 дәреже,  айдың биринши күнлеринде 32-35 дәрежеге шекем көтерилди. Айдың екинши ярымы болса әдеттегиден салқынлаў болды. Октябрьде қандай ҳаўа райы бақланады?

Гидрометеорология хызмети орайы мағлыўматына көре,  октябрь айы қурғақ ҳаўа райы менен басланады.

1-5-октябрь күнлери пүткил республика бойынша ҳаўа райының аз бултлы ҳәм жаўынгершиликсиз болыўы күтилмекте. Самал тийкарынан арқа бағытта еседи ҳәм күшсизден орташаға шекем өзгериўи мүмкин. Температура кеште 5-10 дәреже, арқада 2-7 дәреже жыллы, күндиз 20 -25 дәреже болады.

Улыўма октябрь айы да температура режими, жаўынлар муғдары бойынша орташа көп жыллық баҳаларға жақын болыўы күтилип атыр, бирақ айырым орынларда жаўынгершилик нормадан артық болыўы мүмкин.

Ықлым нормаларына көре,  октябрьде Өзбекстанның қубла ўәлаятларында 3 тен 5 ке шекем, қалған аймақларда 5 тен 7 ге шекем жаўынгершиликли күн болады. Температура кескин суўығанда жаўынның қарға қысқа мүддетли өтиўи мүмкиншилиги де бар. 

 Орташа көп жыллық түнги температура 6 -11 дәреже жыллылықты қураса да,  бирақ көбинесе октябрьде,  әсиресе оның екинши ярымында, дәслепки гүзги аяз бақланады.

 Октябрьде күндизги температура 23-28 дәрежеден 10 -15 дәреже жыллылыққа шекем өзгерип турады.

Әлбетте,  тәбият "өзин көрсетеди" ҳәм гейде әмелдеги температура ҳәм жаўынлар муғдары көп жыллық дәўир ушын орташаластырылган баҳалардан бир қанша парықланыўы мүмкин.

 

Дерек: Kruz.Uz

скачать dle 10.6фильмы бесплатно



  • 2-10-2020, 12:16 |
  • 3 228