Россиядағы өзбекстанлы мийнет мигрантларына 2020-жыл 15-декабрьге шекем жеңилликлер берилди

 

Усы жылдың 23-сентябрь күни Россия Федерациясы Президентиниң «Россия Федерациясы Президентиниң 2020-жыл 18-апрельдеги «Россия Федерациясына сырт ел пуқаралары ҳәм пуқаралығы болмаған шахслардың ҳуқықый жағдайын жаңа коронавирус инфекциясы кең тарқалыў қәўпи себепли тәртипке салыў бойынша ўақтынша илажлар ҳаққында»ғы 274-санлы пәрманына өзгерислер киргизиў ҳаққында»ғы 580-санлы пәрманы қабылланды.

 

Бул пәрманға муўапық:

 

15-марттан кейин мүддети өткен ҳәм ИИМ базасында болған барлық дизимнен өтиў ҳүжжетлериниң мүддети 15-декабрьге шекем создырылды;

 

- шет ел пуқаралары ҳәм пуқаралығы болмаған шахсларға ҳәкимшилик шығарып жибериў, депортация қылыў, алдын берилген ўақтынша жасаў ушын рухсатнама, жасаў ушын рухсатнама, ислеў ушын рухсатнама ҳәм патентти бийкарлаў, сондай-ақ Россияға кириўди қадаған етиў сыяқлы илажлар қолланылмайды. Россия Федерациясы мәмлекетшилиги ҳәм миллий қәўипсизлигине исленген ямаса соған теңлестирилген аўыр жынаятлар ислеген пуқаралар буған кирмейди;

 

- 14-марттан кейин мүддети тамамланған шахсты тастыйықлаўшы ҳүжжетлер (паспорт) пенен Россия Федерациясынан шығып кетиў мүмкин;

 

- 15-декабрге шекем миграция картасында не жазылыўынан бийғәрез патент алыў мүмкин.

 

"Istiqbolli Avlod" Қарақалпақстан Республикасы бөлими

скачать dle 10.6фильмы бесплатно



  • 24-09-2020, 14:52 |
  • 955