2030-жылға шекем биометрикалық паспорт орнына ID-карталар енгизиледи

“Өзбекстан Республикасында идентификация ID–карталарын енгизиў илажлары ҳаққында”ғы Президент Пәрманы қабыл етилди.

 

Пәрманға тийкар:

 -  биометрикалық паспорт орнына енгизилетуғын идентификация ID-карталарын алыў ҳәм алмастырыў ушын Өзбекстан Республикасының пуқаралары, өз қәлеўине көре қәлеген ишки ислер уйымларының  миграция ҳәм пуқаралықты рәсмийлестириў бөлимлерине, оларды алмастырыў ушын болса мәмлекетлик хызметлер орайына да мүрәжат етиўи ушын имканияты жаратылады;

 -  идентификация ID-карталарын алыў ушын Өзбекстан Республикасында турақлы жасайтуғын сырт ел пуқаралары ҳәм пуқаралығы болмаған шахслар турақлы жасаў орны бойынша дизимге алынған мәнзилдеги ишки ислер уйымының миграция ҳәм пуқаралықты рәсмийлестириў бөлимине, алмастырыў ушын  болса өзиниң қәлеўине көре қәлеген ишки ислер уйымларының миграция ҳәм пуқаралықты рәсмийлестириў бөлимлерине мүрәжат етиўи ушын имканият жаратылады;

 -  пуқара өзиниң ID-картасын алыў ямаса алмастырыў бойынша өз ўақтында мүрәжат етпеген, жарамсыз ҳалға келтирген ямаса жойытып қойған жағдайда ҳәкимшилик жуўапкершиликке тартылмайды;

 -  жаңа туўылған балаға идентификация ID-карталары мәжбүрий берилместен, оның туўылыўы ПҲАЖ уйымы тәрепинен дизимге алынып, туўылғанлық ҳаққындағы гүўалық берилгеннен соң ата-анасы, қәўендерлериниң қәлеўине бола рәмийлестириледи.

 -  идентификация ID-картасының бланкасында ийесиниң миллети ҳаққындағы мағлыўматлар көрсетилмей ID-картаның чипине киргизиледи.

 

Биометрикалық паспортлар ҳәм жасаў гүўалықлары ID-карталарға төмендеги мүддетлерде алмастырылады:

 -  биринши басқыш-2021-жыл 1-январьдан 2022-жыл 31-декабрьге шекем қәлеў тийкарында (16 жасқа толғанда яки нызамшылықта көрсетилген басқа себеплерге бола);

 -  екинши басқыш-2023-жыл 1-январьдан 2030-жыл 31-декабрьге шекем мәжбүрий тәртипте алмастырылады.

 

Ҳәзирги биометрикалық паспортларды рәсмийелестириў мүддети 10 жумыс күни болған болса, ID-карталарды рәсмийлестириў  1 жумыс күнинде әмелге асырылады.

 

Өзбекстан Республикасы пуқарасының 2011-жылғы үлгидеги биометрикалық паспорты 2031-жыл 1-январьдан баслап ҳақыйқый емес деп есапланады.

 

Дерек: @huqiqiymalimleme

  

скачать dle 10.6фильмы бесплатно



  • 23-09-2020, 12:42 |
  • 839