Не ушын ресторан-кафелер ислеў ўақты шегараланған? Сораў ашық қалды

Халық аралық Пресс-клубтың (ХПК) нәўбеттеги сессиясында парламент депутатлары, сиясий партиялар ўәкиллери менен олардың басламаларына байланыслы пикирлер алмасылды. Қызықлы додалаўлар болды. Сондай-ақ, сиясий партиялардың социаллық-экономикалық турмыстағы басламашыылығы пәс екенлиги сынға алынды. Бул ҳаққында kun.uz хабар бермекте.

Атап айтқанда, ХПК сессиясы модераторы, сиясатшы Шерзодхон Қудратхўжаев сессия қатнасыўшылары итибарын исбилерменлер ҳәм улыўма туристлерди де қыйнап атырған бир мәселеге қаратты.

Не ушын ресторан-кафелер ислеў ўақты шегараланған? Сораў ашық қалды

 

«Президент виртуал қабыллаўханасына мүрәжатлардың көп келиўи басқа институтлар ислемей атырғанын көрсетеди. Ҳәзир бул салыстырмалы кемейди.

Мине бир исбилермен бизге мүрәжат етипти. Өзбекистан туризмди раўажландырыўды режелестирмекте. Самарқанд, Ташкент, Бухара, Хийўа бар. Лекин, көп жерде кафе-ресторанлар түнги саат 23:00 ден жабылады. Турист, мысалы, пәзенделик туризми арқалы шет елден келген адам, миллий тағамларды жеўди қәлейди. Аш болады. Ямаса кеште шығып қыдырғысы келеди. Ҳәмме жерде де жаман нәрсе болмайды-ғой.

Неге, дейди сол мүрәжат еткен исбилермен, неге Өзбекистандағы бирде-бир партия кафе-ресторанлар ярым түн 24:00-1:00 ге шекем ислесин деген усыныс пенен шықпайды.

Туристлер қәлеген тағамын барып жесин. Неге шеклеў бар, деп мүрәжат етпекте. Ол жерде жынаят болмайды-ғой, деп қайғырмақта. Бүгин бул мәселени де көтериў ўақты келди. Бул нени аңлатады, кеште саўда көбирек болады, буның нәтийжесинде мәмлекетке кирис көбирек болады, сол шөлкем раўажланады», - деген пикирлерди билдирип өтти Қудратхўжаев.

скачать dle 10.6фильмы бесплатно



  • 21-07-2017, 14:14 |
  • 429