Өзбекистанда қурал алып жүриўге рухсат берилиўи мүмкин

Өзбекистанда қурал алып жүриўге рухсат берилиўи мүмкин

Өзбекистан Республикасы норматив-ҳуқықый ҳүжжетлердиң додалаўы (regulation.gov.uz) порталында «Қурал ҳаққында» ҳәм «Олий Мажлистиң 2001-жыл 12-майдағы 222-II санлы «Әмелге асырыў ушын лицензия (рухсатнама) талап етилетуғын жумыс түрлери ҳаққында» қарары 1-қосымшасына өзгерис киритиў ҳаққында»ғы Нызам жойбарлары жәмәәтшилик додалаўына киритилди. Бул ҳаққында kun.uz басылымы хабар бермекте.

Нызам жойбарының ислеп шығылыўынан мақсет – жойбар авторы болған ИИМне қарағанда, әмелдеги норматив-ҳуқықый тийкарлардың толық ҳәм жетик емеслиги, бирден-бир механизм жоқ екенлиги ҳәм усы себепли жүзеге келип атырған көплеген ҳуқықый түсиниспеўшиликлерди шешиў есапланады.

Нызам жойбары қуралларды олардың қолланылыў мақсетинен келип шыққан ҳалда төмендеги түрлерге бөлген:

Пуқаралық;

Хызмет;

Жаўынгерлик.

Пуқаралық қуралы

Пуқаралық қуралларға пуқаралар тәрепинен аў ҳәм спорт пенен шуғылланыўлары ҳәм өзлерин қорғаўы ушын арналған қуралларға айтылады.

 

Нызам жойбарында пуқаралар ушын қураллар да бир неше үлгиге классификацияланған:

1) аў қуралы, бир неше үлгилери көрсетилген

2) спорт қуралы, бир неше үлгилери атап өтилген

3) өзин қорғаў ушын курал, булардың да түрлери классификацияланған

 

Хызмет қуралы сыпатында юридикалық шахслар хызметшилери тәрепинен нызамшылық  тийкарда пуқаралар өмири ҳәм саламатлығы, мүлки, тәбият ҳәм тәбийий запаслар, қымбат баҳалы ҳәм қәўипли жүклер, арнаўлы жиберилген затларды қорғаўда өзлерине жүкленген арнаўлы ўазыйпаны орынлаўшы хызметшилер ҳәм мәмлекет органларының жоқары лаўазымлы басшылары өзлерин қорғаў мақсетинде алып жүретуғын қураллар түсиниледи.

 

Арнаўлы хызмет тапсырмасына ийе юридикалық шахслар ҳәм қурал алып жүриўге ҳақылы болған мәмлекет органлары басшыларының дизими, оларға берилетуғын қурал-жарақлар айланысы, сақлаў, алып жүриў тәртиби Өзбекистан Республикасы Министрлер Кабинети тәрепинен орнатылады.

 

Жаўынгерлик қурал

Жаўынгерлик қураллар сыпатында жаўынгерлик ҳәрекетлер алып барыў ҳәм хызмет ўазыйпасын орынлаў ушын нызамда белгиленген тәртипте Қорғаў, Ишки ислер министрликлери, Миллий қәўипсизлик хызмети, Мәмлекет бажыхана комитети, Айрықша жағдайлар министрлиги, Информация технологиялары ҳәм коммуникацияларын раўажландырыў министрлигиниң мәмлекет фельдъегерлик (курьерлик) хызметине қабылланған қураллар түсиниледи.

Әскерий бөлимлер, арнаўлы органлар ҳәм бирлеспелерде жаўынгерлик қурал айланысы тәртиби Өзбекистан Республикасы Президенти тәрепинен орнатылады. Нызам жойбары тексти менен усы мәнзил арқалы танысыў мүмкин.

скачать dle 10.6фильмы бесплатно



  • 21-07-2017, 09:46 |
  • 410