«Дар астында турсам да, адамның тәғдирине қыянет етпеймен» деген уранда жасаған инсан дүньядан өтти

 

«Дар астында турсам да, адамның тәғдирине қыянет етпеймен» деген уранда жасаған инсан дүньядан өтти

 

Қараөзек район жынаят ислери бойынша судының баслығы Нийетуллаев Мухаммеддин Исметуллаевич, бүгин 21-сентябрь күни өмирден көз жумды.

 

Марҳум 02.11.1977-жылы Кегейли районында туўылған, миллети қарақалпақ, 2005-жылы Бердақ атындағы Қарақалпақ мәмлекетлик университетиниң юриспруденция қәнигелигин тамамлаған.

Мийнет жолы дәўиринде бир неше жыллардан берли суд ҳәкимиятында түрли лаўазымларда  жумыс ислеген, Нөкис районы Жынаят ислери бойынша суды баслығы, соңынан Қараөзек районы жынаят ислери бойынша суды баслығы лаўазымында жумыс ислеп атыр еди.

Марҳумның судья лаўазымында ислеген дәўиринде әдилликти барлық нәрседен үстем қойғанлығы көпшиликке белгили, ол Өзбекстан Республикасы бойынша «АҚЛАЎ» ҳүкимин шығарыў бойынша ең жоқары көрсеткишке ийе болған, ҳеш кимде жоқ әдиллик позициясына ийе инсан еди.

Мархум жумыс дәўиринде, ески сөз бенен айтқанда «дар астында турсам да, адамның тәғдирине қыянет етпеймен» деген уранда жасаған еди.

«Ел хызметинде» газетасы жәмәәти марҳумның шаңарағына, жақынларына терең қайғырыў менен кеўил айтады.

Жаратқанның өзи марҳумға бейиш есиклерин ашқан болғай. Әмин!

 

@el_xizmetinde

скачать dle 10.6фильмы бесплатно



  • 21-09-2020, 20:55 |
  • 9 274