Екинши тәрептиң жуўабы күтилмекте - Россия менен авиарейслерди қайта тиклеў бойынша өз-ара келисимлер ҳаққында

Бас министр орынбасары,  Республика арнаўлы комиссиясы ағзасы Әзиз Абдуҳакимов Россия менен авиарейслерди қайта тиклеў бойынша өз-ара келисимлер ҳаққында мағлыўмат берди.

«Россия Федерациясы менен Өзбекстан ортасындағы үзликсиз авиарейслерди қайта тиклеў бойынша Өзбекстан Республикасы Транспорт министрлиги Россия Федерациясы Транспорт министрлиги ҳәм де Авиация ҳүкиметлери менен бир неше мәрте өз-ара келисимлер алып барылды. Бирақ Россия Федерациясының коронавирус пандемиясына қарсы гүрес бойынша Арнаўлы комиссиясы бул усынысты бийкарлады. Россия Федерациясы Арнаўлы комиссиясы бул жағдайды шет елден кирип келиўши жолаўшылар көлеми көбейиўи ақыбетинде мәмлекетте эпидемиологиялық жағдай изден шығыўы мүмкинлиги менен түсиндирди.

Соған қарамастан, Россия авиация ҳүкимети ҳәм Россия Транспорт министрлиги Өзбекстан Транспорт министрлиги тәрепинен жиберилген билдириў хаты тийкарында Россия Арнаўлы комиссиясына усыныснама киргизди. Ҳәзир Россия Арнаўлы комиссиясының қарары күтилмекте», дейди ол.

Гүз мәўсими кирип келгени ҳәм ҳаўа температурасы төменлеп баратырғанын есапқа алған жағдайда Россияда қалған Өзбекстанлы пуқаралар мәмлекетке алып келиниўин тезлестириў мақсетинде үзликсиз авиарейслер тиклениўине шекем Республика арнаўлы комиссиясы тапсырмасына қарай Транспорт министрлиги тәрепинен Россия қалаларынан болған чартер авиарейслер саны асырылған.

 Атап айтқанда: 

Ташкент-Москва бағдары күнине 2 рет; 

Ташкент- Санкт-Петербург бағдары күнине 1 рет; 

Ташкент-Ростов бағдары ҳәптесине 3 рет; 

Ташкент-Самара бағдары ҳәптесине 2 рет; 

Ташкент-Новосибирск бағдары ҳәптесине 1 реттен; 

Ташкент-Владивосток бағдары ҳәптесине 1 реттен; 

Ташкент-Қазан бағдары ҳәптесине 1 реттен; 

Ташкент-Екатеринбург бағдарында 2 ҳәптеде 1 реттен.

 

Буннан тысқары, пуқаралар алып келиниўи ушын бир ғана сентябрь айының өзинде Россияның бир неше авиакомпанияларына олар жиберген сораўнамалар тийкарында мәмлекеттиң барлық аэропортларына 80 нен артық чартер авиарейслерди әмелге асырыўға рухсат берилген.

 

 «Ҳәзир РФ менен Қазақстан шегара аймағында топланып баратырған Өзбекстан пуқараларын алып келиў ушын чартер поезд рейслери әмелге асырып келинбекте. Сондай-ақ, Қазақстанның РФ менен шегара қатар аймақлардағы пуқараларымызды алып келиў бойынша чартер автобус рейслерин әмелге асырыўға келисип алынды»,  дейди Әзиз Абдуҳакимов.

 

Дерек: kruz.uz

 

скачать dle 10.6фильмы бесплатно



  • 20-09-2020, 19:21 |
  • 993