Қандай жумыслар мәжбүрий мийнет есапланбайды?

Нызамшылықта мәжбүрий мийнет - қандайда бир-бир жазаны қоллаў менен абай қылыў арқалы жумыс орынлаўға мәжбүрлеў есапланады. Яғный ҳеш ким шахсты жумыстан босатып жиберемен, айлығыңды азайтаман, лаўазымыңды түсиремен ҳәм тағы басқа абайлар менен мәжбүрий мийнетке тартыўға ҳақылы емес.

 

Мәжбүрий мийнет және оның ушын жуўапкершилик мәселелери бойынша усы жыл 8-сентябрь күни социаллық тармақларда Әдиллик министрлигиниң Инсан ҳуқықларын қорғаў басқармасы хызметкерлери тәрепинен жаңа баспадағы Мийнет кодекси жойбары бойынша күтилип атырған өзгерислер, қандай ислер мәжбүрий мийнет есапланыўы ҳәм мәжбүрий мийнетке тартқанлық ушын жуўапкершилик мәселелери бойынша түсиник берилди.

 

Атап айтқанда, жумысқа тартыўды мәжбүрий мийнет деп баҳалаў ушын шахстың бул жумысты орынлаўға болған мүнәсибети тийкарғы критерия есапланыўын, әскерий хызмет ҳаққындағы нызамлар тийкарындағы жумыслар, айрықша жағдай жүз берген шараятлардағы жумыслар, судтың нызамлы күшке кирген ҳукимине қарай қолланылатуғын жумыслар ҳәм нызамда нәзерде тутылған басқа жағдайларда атқарылыўы керек болған жумыслар мәжбүрий мийнет деп есапланбайтуғынын ҳәм пүткил халық өз тилеги менен жәрдемин өткериў ҳаққында тек Президенттиң тийисли ҳүжжети ямаса Министрлер Кабинетиниң қарары болыўы кереклиги айтып өтилди.

 

Сондай-ақ, қәнигелер тәрепинен мәжбүрий мийнетке тартқанлық ушын нызамшылықта белгиленген жаза илажлары ҳаққында тоқталып, мийнетке ҳәкимшилик түрде мәжбүрлеў Ҳәкимшилик жуўапкершилик ҳаққындағы кодекстың 51-статьясына тийкар БЕМ (базалық есаплаў муғдары)ның 50 есесинен 100 есесине шекем муғдарда жәрийма, бул қылмыс ер жетпеген шахсқа қарата әмелге асырылған болса БЕМның 70 есесинен 100 есесине шекем муғдарда жәрийма, егер бул ҳәрекет ҳәкимшилик жаза қолланылғанынан кейин әмелге асырылған болса БЕМның 100 есесинен 150 есесине шекем муғдарда жәрийма ямаса 2 жылға шекем арнаўлы бир ҳуқықтан айырыў яки 2 жылға шекем оңлаў жумыслары менен жазаланыўға алып келиўи айтып өтилди.

 

kruz.uz

скачать dle 10.6фильмы бесплатно



  • 20-09-2020, 19:11 |
  • 1 286