Қазақстан Өзбекстаннан киятырғанлар ушын жаңа талап қойды

Қазақстан ҳүкимети мәмлекетке шет елден киятырғанлар ушын талапларды өзгертти. Бул ҳаққында “Today.kz” хабар берди.

Қазақстан бас санитарының қарары менен биринши топарға киретуғын мәмлекетлер дизими кеңейтирилди. Бул Қытай, Таиланд, Монголия,  Малайзия, Египет, Гонконг,  Қубла Корея, Япония,  Сингапур, Германия, Беларус,  Әзербайжан.

“Бул мәмлекеттен келгенлер тек ғана термометр тексериўи ҳәм анкеталастырыўдан өтеди”, дейди Қазақстан Денсаўлықты сақлаў министрлиги басқарма баслығы Роза Кожапова.

Екинши топарға 21 мәмлекет кирген. Булар Швейцария, Уллы Британия, Польша, Италия, Венгрия, Австрия,  Нидерландия, Швеция,  Румыния, Чехия, Греция,  Туркия, БАА, Саудия Арабстаны, Индия, Армения,  Россия Федерациясы,  Өзбекстан, Украина, Қырғызстан, Тәжикстан.

Бул мәмлекеттен келгенлер термометрия ҳәм анкеталастырыўдан тысқары, коронавирус анықланбағаны ҳаққындағы мағлыўматнаманы көрсетиўи керек болады. Мағлыўматнама 5 күннен артық болмаған ўақытта берилген болыўы керек. Егер де мағлыўматнама болмаса, келген шет елли шегарада ПЗР тестин тапсырады.

Covid-19 ушын тексериўге жетерли материаллар топланғанан кейин, келген адамлар өз бағдарында даўам етебереди.

 

kruz.uz

скачать dle 10.6фильмы бесплатно



  • 19-09-2020, 14:09 |
  • 4 695