Пуқаралық мәселелери бойынша арзаларды қабылллаў автоматластырылады

“Өзбекстан Республикасы пуқаралығы мәселелерин көрип шығыўда заманагөй мәлимлеме-коммуникация технологияларын енгизиў бойынша қосымша илажлар ҳаққында”ғы Ҳүкимет қарары қабыл етилди (557-сан, 16.09.2020-ж).

 

Қарарға муўапық, “E-Fuqaro” ведомствалар аралық мағлыўматлар базасы енгизиледи ҳәм бул арқалы:

 

 -  пуқаралық мәселелери бойынша арзаларды қабыл етиў ҳәм көрип шығыў автоматластырылады;

 -  бул арзалар  ведомствалар аралық электрон бирге ислесиў жолы менен мәпдар министрлик ҳәм кеңселер ортасында көрип шығылады;

 -  пуқаралыққа қабыл етиў, оны тиклеў, оннан шығыў ҳәм оны жойтыў бойынша бирден бир мағлыўматлар базасы қәлиплестириледи.

 

Ишки ислер министрлиги “E-Fuqaro” ВМБның бирден бир буйыртпашысы ҳәм саўлаўшысы есапланады.

 

2021-жыл 1-январьға шекем:

 -  республика аймағында пуқаралық мәселелери бойынша мүрәжатлар Бирден бир интерактив мәмлекетлик хызметлер порталы арқалы;

 -  сырт елде турақлы жасап атырған шахслар тарепинен болса Сыртқы ислер министрлиги веб сайтында жайластырылған интерактив консуллық хызмети арқалы дәслепки арза жибериў механизми енгизиледи.

 

Бунда арза жибериўши кейин ала жеке өзи келип мүрәжат етиўи лазым болады.

 

Дерек: @huqiqiymalimleme

скачать dle 10.6фильмы бесплатно



  • 18-09-2020, 13:21 |
  • 608