Өзбекстан 1-октябрьден шегараларын ашады

2020-жыл 1-октябрьден баслап Өзбекстанға авиация, темир жол ҳам автожол өткериў пунктлери арқалы кирип-шығыўға қойылған шеклеў бийкарланады. Бул ҳаққында Республика арнаўлы комиссиясының нәўбеттеги мәлимлемесинде айтылды.

 

Қарарда карантин илажларын басқышпа-басқыш жумсартыў, атап айтқанда, халық аралық қатнаўларды тиклеў арқалы халық ҳәм исбилерменлик субъектлери ушын қолайлы шәраятларды жаратыў әҳмийетли екени атап өтилген.

 

«Республика аэропортларында, темир жол станцияларында ҳәм шегара пунктлеринде адамлар ҳәм транспорт қуралларының ҳәрекетлениўи бойынша буннан алдын енгизилген шеклеўлер жумсартылып, 2020-жыл 1-октябрьден бар болған карантин ҳәм санитария-гигиена талапларына қатаң әмел кеткен ҳхалда Өзбекстан Республикасына авиация, темир жол ҳәм автожол өткериў пунктлери арқалы кирип-шығыўға рухсат бериледи», - делинген Арнаўлы комиссия қарарында.

 

1-октябрьден баслап, Қазақстан, Түркменстан, Тәжикстан ҳәм Аўғанстан менен шегарада жайласқан автожол өткериў пунктлери арқалы Өзбекстанға кирип атырған адамлар коронавирусқа ПЦР ямаса экспресс-тест яки антиген тексериўинен өткен ҳалда 14 күнге мийманхана ямаса үй карантинине жибериледи.

 

Арнаўла комиссияның 2020-жыл 31-августтағы қарары менен тастыйықланған Коронавирус пандемиясы дәўиринде турақлы халық аралық авиақатнаўларды әмелге асырыў тәртиби ҳаққындағы ўақтынша қолланба талаплары барлық түрдеги халық аралық авиақатнаўларға ҳәм халық аралық темир жол қатнаўларын әмелге асырыў жағдайларына да тийислилиги бойынша енгизилиўи белгиленген.

 

Аўдарма: @makan_uz

скачать dle 10.6фильмы бесплатно



  • 17-09-2020, 22:35 |
  • 4 070