Мәмлекет хызметкерин фото ҳәм видеоға түсириў ушын оның разылығы талап етилмейди – жаңа Пуқаралық кодекси

 

Мәмлекет хызметкерин фото ҳәм видеоға түсириў ушын оның разылығы талап етилмейди – жаңа Пуқаралық кодекси

 

ӨзР Әдиллик министрлиги Инсан ҳуқықларын қорғаў басқармасы басламасы менен жаңа редакциядағы Пуқаралық кодекси жойбарына шахстың сүўретине болған ҳуқықын қорғаўға қаратылған жаңа статья киргизилмекте.

 

Оған муўапық улыўма тәртип бойынша шахсты фото ҳәм видеоға түсириў ушын оның разылығын алыў талап етиледи.

 

Ал төмендеги жағдайларда бундай разылықты алыў шәрт емес:

 

 - Мәмлекет хызметкерин өзиниң хызмет ўазыйпаларын орынлаў ўақтында пуқара оны фото ҳәм видеоға түсириў ҳуқықына ийе. Буның ушын ол хызметкердиң разылығын алыў шәрт емес.

Ҳәзирги күнде бул жүдә актуал мәселе болып, көпшилик мәмлекетлик хызметкерлер өзин сүўретке түсириўине қарсылық көрсетеди.

 

 - Шахс ғалабалық илажларда (концерт, байрам илажлары, спорт жарыслары ҳ.т.б.) яки жәмийетлик орынларда (улыўма аўқатланыў орынлары, саўда ҳәм хызмет көрсетиў объектлери ҳ.т.б.) фото яки видеоға түсирилсе, бул шахстың разылығы талап етилмейди. Бирақ бундай фото яки видеоларда сол шахс тийкарғы объект болыўы мүмкин емес.

 

 - Ҳуқықбузарлыққа қарсы гүресиў, мәмлекет қәўипсизлигин тәмийинлеў, шахстың жынаят ислегени яки бийдәрек жоғалғанлығы себепли оны излеўде пайдаланыў мақсетлеринде, илим-пән, мәденият ҳәм басқа тараўлардың белгили ўәкиллериниң фото (видео)ларынан жәмийет ушын қызықлы мағлыўматларды тарқатыў мақсетинде сүўретке (видеоға) түсириў яки оннан пайдаланыў ушын бул шахслардың разылығы талап етилмейди.

 

 - Пуқараны сүўретке (видеоға) түсириў ҳәм (ямаса) оның сүўретинен пайдаланыўдаң мақсет усы пуқараның ҳуқықларын қорғаў болса;

 

 - Пуқараның ҳақ есесине түсирилген сүўретинен гөзленген мақсетлерде пайдаланғанда;

 

 - Пуқараның өзи ҳәмме пайдаланыўы мүмкин болған дереклерде жайластырған фото яки видеоларынан пайдаланғанда.

 

Буннан басқа жағдайларда егер шахсты фото яки видеоға түсириўде, фото яки видеосынан пайдаланыўда оның разылығы алынбаса, бул шахс өзиниң ҳуқықын суд арқалы қорғаўы мүмкин.

 

Жаңа Кодекс жойбары Олий Мажлис Нызамшылық палатасы ҳәм Сенаты тәрепинен мақулланып, Президент тәрепинен тастыйықланып, баспа сөзде жәрияланғаннан кейин күшке киреди.

 

Дерек: @xaliq_ushin

скачать dle 10.6фильмы бесплатно



  • 17-09-2020, 10:42 |
  • 1 244