Кем тәмийинленген шаңарақларға берилетуғын напақа ҳәм материаллық жәрдемниң түрлери, муғдары ҳәм оған арза бериў тәртиби қандай?

 

Кем тәмийинленген шаңарақларға төмендеги напақа түрлери бериледи:

 - материаллық жәрдем (6 айға);

 - еки жасқа шекемги баласы барларға напақа (12 айға);

 - 14 жасқа шекем балалы шаңарақларға напақа (6 айға).

 

Кем тәмийинленген шаңарақ бир ўақыттың өзинде усылардың тек ғана биреўин алыўы мүмкин.

 

Напақалардың муғдары:

14 жасқа шекем балалы шаңарақларға напақа:

 - бир балалы шаңараққа – 131.000 сўм;

 - еки балалы шаңараққа – 217.000 сўм;

 - үш ҳәм оннан артық балалы шаңараққа – 304.000 сўм.

 - Еки жасқа шекемги бала күтими напақасы – 434.000 сўм;

 - Материаллық жәрдем – 326.000 сўмнан 653.000 сўмға шекем.

 

Напақа яки материаллық жәрдем алыў ушын арза айдың 15-сәнесине шекем пуқараның жасаў жериндеги мәкан пуқаралар жыйынына төмендеги хүжжетлер менен тапсырылыўы керек:

 - белгиленген формадағы шанарақтың қурамы ҳәм дәраматлары көрсетилген мағлыўматнама ҳәм дәраматын тастыйықлаўшы ҳүжжетлер;

 - балалы шаңарақларға берилетуғын напақаны алыў ушын балалардың туўылғанлығы ҳаққындағы гүўалықлары (метрикалары);

 - ўақытша пропискада (жасап) турған жеринен напақа алыў ушын, турақлы прописка орнынан напақа алмай атырғанлығын тастыйықлаўшы мағлыўматнама;

 - егер бала(лар) қәўендерликке алынған болса, қәўендерлик ҳәм қайырқомлық органы қарарынан көширме.

 

Напақа яки материаллық жәрдем арза берилген айдың кейинги айынан баслап төленеди.

 

Напақа тайынланыўы ушын ҳәр бир шаңарақ ағзасының орташа айлық дәраматы муғдары мийнетке ҳақы төлеўдиң ең кем муғдарының 52,7% нен (358,006 сўмнан) артық болмаўы керек.

 

Напақаға арза берген пуқара яки шаңарақтың басқа ер жеткен (18 жастан үлкен) ағзасы Комиссия жыйналысында қатнасыўы шәрт. Егер қатнаспаса, арзаны көрип шығыў кейинги айға қалдырылады.

 

Мағлыўмат ушын. 2020-жыл июль-сентябрь айларында мүддети тамамланатуғын балалы шаңарақларға напақа ҳәм еки жасқа шекемги бала күтими напақасы қосымша арза берилместен және 6 айға создырылады (https://t.me/xaliq_ushin/1452).

 

Тийкар: Министрлер Кабинетиниң 15.02.2013-жылдағы 44-санлы қарары.

 

Дерек: @xaliq_ushin

скачать dle 10.6фильмы бесплатно



  • 17-09-2020, 09:54 |
  • 2 138