Өзкомқадағалаў инспекциясы "Телеграм"дағы қәўипли вирустан ескертпекте

Өзбекстан Республикасы мәлимлеме ҳәм коммуникациялар бағдарында қадағалаў бойынша Мәмлекетлик инспекциясы Телеграм социаллық тармағында тарқалған вирус қәўпинен ескертти.

 "Сентябрь айы басында “Телеграм”дағы каналлар ҳәм топарларда фотосүўрет файлына уқсас зыянлы қосымша тарқалғаны,  интернет пайдаланыўшылары бул сыяқлы файлларды жүклеп алып орнатыўы ақыбетинде,  аппараттың программалық тәмийнатына зыян жетиўи мүмкинлиги ҳаққында хабарлар тарқалған еди. Оларда усы файл ашылғанынан кейин сматрфон ямаса компьютердеги мағлыўматлар урланып алыныўы мүмкинлиги,  система ислемей қалыўы ямаса басқа техникалық алжасықлар жүз бериўи ҳаққында ескертилген еди.

Қәнигелердиң мағлыўмат бериўинше, SCR кеңейтпели файллар арқалы түрли программаларды жаратыў мүмкин. Әдетте, SCR файллар оларды жаратқан тийисли программаның атқарыўшы файл скриптлери есапланады. SCR файлды ашыў системада арнаўлы бир буйрықлар дизиминиң әмелге асырылыўына себеп болады. Бундай буйрықлар файлда арнаўлы бир тәртипте жайласады. SCR файлларының көпшилиги текстли формат формасында сақланады. Оларды текст редакторлары программалары ямаса қосымшаларында ашыў ҳәм көриў мүмкин. Бундай файлларға өзгерис киргизиў жүдә қыйын, себеби олар,  көбинесе, қосымша ҳәм өзгерислерден қорғалған болады.

Усы түрдеги файллар жаратылғанынан кейин троян түриндеги зыянлы вируслар ҳәм басқа зыянлы программалар менен бирге ислей алады. SCR файл ашылғанында, әдетте,  антивирус программаларын көбинесе блоклап қоятуғын буйрықлар иске түседи. Вирус жазыўын өзгертпейтуғын қорғаўы бар екенлиги ямаса SCRда жасырынған ЕХЕ-файл себепли антивируслар,  көбинесе, бундай программалық тәмийнатты өшире алмайды. SCR файлы ишине жайластырылған троянлар ҳәм вирусларды табыў ҳәм өшириў қыйын болғаны себепли информация қәўипсизлиги бойынша қәнигелер усы формадағы белгисиз файлларды ашпаўды усыныс етпекте".

 

Сапура Темирханова 

Дерек: kruz.uz

скачать dle 10.6фильмы бесплатно



  • 16-09-2020, 12:34 |
  • 1 147