ЖҮДӘ-ЖҮДӘ ӘДИЛ ҚАРАР

 

      Жақында Өзбекстан Республикасы Олий Мажлиси Сенаты баслығы,  арнаўлы кеңес ағзаларының даўыс бериў жолы менен жүдә әҳмийетли қарар кабыл еткен.

       Қарар 18 жыл ел басқарған М.Ерниязовтың өмирлик жолдасына арналған болып, онда А.Жаббарбергеноваға медициналық хызмет етип санаторий-курортта емлениў бойынша бир өмирлик жеңиллик берилиўи белгиленген.

      Сондай-ақ, усы қарарда мәмлекет есабынан хызмет транспорты менен тәмийнлеў көрсетилген. Бул жүдә әдил шешим болған, себеби адамның жасы бираз жерге барғанда жаяў яки жәмийетлик транспортта жүриў бираз қыйыншылық туўдырады.

      Соның менен бирге, қарарда Өзбекстан Республикасы аймағындағы аэропортлардағы рәсмий делегация ўәкиллери ушын арналған заллардан бийпул пайдаланыў ҳуқықы белгиленген.

       Усы қарар талапларына муўапық А.Жаббарбергенованың өмири ҳәм ден саўлығын сақлаў бойынша мәмлекет бюджети қаржысы есабынан мәжбүрий қамсызландырыў белгилеп өтилген.

      Сондай-ақ, қабыл етилген норматив ҳуқыйқый ҳүжжетте Нөкис қаласында жайласқан ҳүкимет имараты болған Пушкин көшеси 35-жайды мүлик ҳуқықы етип бийпул бериў ҳәм оның әтирапларын удайы абаданластырыў, көклемзарластырыў тапсырылған.

     Демек бул менен Нөкис қалалық абаданластырыў басқармасы хызметкерлерине өз гезегинде саўап ислеўге түртки болары анық, себеби жасы үлкенге ҳүрмет, жасы кишиге иззет етиў ҳәр кимниң миннети есапланады.

     Қарарда А.Жаббарбергенованы материаллық, руўхый жақтан қоллап-куўатлаў усыныс етилген, булда әдил қарар себеби, бирғана напақа менен күн кешириў бираз қыйыншылық туўдырары анық.

     Жуўмақлап айтқанда «ағашты мийўасынан таныйды» дегендей Сенат тәрепинен инсанның жағдайын анық, көрип билип, әдил қарар қабыл еткенлигине миннетдаршылық билдиремиз.

 

  «Ел хызметинде газетасы»

Бас редакторы Дәўлетмурат Тәжимуратов

Дерек: @el_xizmetinde

скачать dle 10.6фильмы бесплатно



  • 15-09-2020, 21:48 |
  • 14 056