Президент қарары: 10 млн сўмлық микроқарыз, 40 долларлық жәрдем пул

Президенттиң 14-сентябрьдеги қарарына муўапық, 2021-жыл 1-январьдан баслап «Социаллық қорғаў бирден бир реестри» системасына кирген кем тәмийинленген шаңарақлардың ағзалары сырт елге жумысқа кетип баратырғанда 10 млн. сўмға шекем микроқарыз бериледи.

 

Микроқарыз сырт елге жумысқа жайласыў, яғный жол ҳақы, жумыс ислеўге рухсатнама рәсмийлестириў бойынша қәрежетлерге ислетиў ушын бериледи.

 

Микроқарыз 1 жыл мүддетке берилип, процент ставкасының 14% нен көбирек болған бөлеги (21%ке шекемги) мәмлекет есабынан қаплап бериледи.

 

Сондай-ақ, сырт еллерде аўыр материаллық жағдайға түсип қалған ҳәм шахсын тастыйықлаўшы ҳүжжетлерсиз, пулсыз қалған 10 мыңға жақын пуқараларға 446 мың сўм (40 доллар) муғдарында бир мәртелик материаллық жәрдем көрсетиледи. Бул мақсетлерге мәмлекет тәрепинен 4,1 млрд сўм қаржы ажыратылады.

 

Қарарға муўапық район (қала) сектор басшылары, мәҳәлле ақсақаллары ҳәм мийнет инспекторлары сырт елге жуиыс ислеўге кеткен пуқаралардың шаңарақ ағзаларына материаллық жәрдем ҳәм социаллық жағдайын жақсылаў, зәрүр медициналық патронаж хызметин көрсетиў, ипотека кредитлери тийкарында турақ жайлар ажыратыў, перзентлериниң билим алыўындағы машқалаларды шешиў, мийнетке жарамлы ағзаларын жумыс пенен тәмийинлеўге көмеклеседи.

 

Дерек: @xaliq_ushin

скачать dle 10.6фильмы бесплатно



  • 15-09-2020, 14:48 |
  • 4 338