Россиядағы Өзбекстан пуқараларын алып келиў ушын Екатеринбург, Ростов-Дон, Новосибирск ҳәм Самараға ҳәр ҳәпте поезд жибериледи

 

Россиядағы Өзбекстан пуқараларын алып келиў ушын Екатеринбург, Ростов-Дон, Новосибирск ҳәм Самараға ҳәр ҳәпте поезд жибериледи

 

Өзбекстан Сыртқы ислер министрлиги тәрепинен Өзбекстан транспорт министрлиги менен бирге ислеп шығылған ҳәм Республикасы арнаўлы комиссиясына киргизилген режеге муўапық, Россиядағы Өзбекстан пуқараларын алып келиў ушын 2020-жылдың 28-августынан баслап «Ўзбекистон темир йўллари»ның рейслери Екатеринбург, Ростов-Дон, Новосибирск ҳәм Самара қалаларына ҳәр ҳәптеде шөлкемлестириледи. Бул ҳаққында Сыртқы ислер министрлиги мәлим етти.

 

Министрлик тәрепинен атап өтилиўинше, ҳәзир Россиядағы Өзбекстан пуқараларының дәл бир аймақ, атап айтқанда, темир жол станцияларында топланыўы даўам етип атырғаны оларды басқышпа-басқыш алып келиў процессине унамсыз тәсир көрсетпекте.

 

Атап өтилиўинше, коронавирус пандемиясы шараятында пуқаралардың ғалаба топланыўы вирусты жуқтырыў қәўпин арттырады. Әсиресе, ден саўлығы қәўип астындағы тайпалар (ғаррылар, жүклилер, наўқаслар, созылмалы аўырыўы барлар) ушын бул оғада қәўипли.

 

Сыртқы ислер министрлиги Россия аймағында болған пуқаралардан поезд станцияларында топланбаўды, ҳәзир болып турған жеринде қалыўды ҳәм барлық карантин талапларына қатаң әмел етиўди және бир рет сораған.

 

Аўдарма: makan.uz

скачать dle 10.6фильмы бесплатно



  • 29-08-2020, 09:59 |
  • 680