Лицензия келисимин дүзиў тоқтатылыўы мүмкин

«Жумыстың айырым түрлерин лицензиялаў ҳаққында»ғы Нызамға дүзетиўлер жойбары ислеп шығылды. Ол Саўда-санаат палатасының форумында жайластырылған, деп хабар бермекте Norma.uz. 

Бүгинги күни лицензия бериўде оның ийеси (лицензиат) пенен лицензия келисими дүзиледи. Бул лицензия алыў ҳәм оннан пайдаланыў бағдарында ол ҳәм лицензиялаўшы орган ортасындағы мүнәсибетлерди тәртипке салыўшы шәртнама есапланады. Ол жазба түрде еки нусхада: тәреплердиң ҳәр бирине биреўден рәсмийлестириледи. Нызам жойбары менен бул тәртип-қағыйданы бийкарлаў усынылмақта.

Лицензия бериў ҳаққында қарар қабылланғаннан кейин оны алыў ушын талапкердиң лицензия талаплары ҳәм шәртлерине разылығын алыў талап етиледи. Разылық алынбаған жағдайда лицензия бериў ҳаққындағы қарар бийкарланады.

«Бир айна» бирден-бир орайлары арқалы көрсетилетуғын мәмлекет хызметлери дизимине киритилген лицензиялар Бирден-бир интерактив Мәмлекетлик хызметлери порталы арқалы электрон ҳүжжет формасында рәсмийлестириледи. Лицензияны тоқтатып турыў, тоқтатыў ҳәм бийкарлаў ҳаққында да электрон хабарнама жибериледи.

 

Жойбар өзгертилиўи, толықтырылыўы ямаса бийкарланыўы мүмкин.

скачать dle 10.6фильмы бесплатно



  • 15-07-2017, 12:42 |
  • 309