COVID-19 наўқасларын емлеў менен бәнт болған медицина хызметкерлериниң хошаметлеў пуллары еки есеге кемейеди

Республика арнаўлы комиссиясының 2020-жыл 17-августтағы жыйналыс баянламасына муўапық (https://t.me/Rasmiy_xabarlar_Official/8055), 20-августтан төмендеги тәртип орнатылады:

 

- коронавирус инфекциясы менен кеселленген наўқасларды емлеў менен шуғылланып атырған медицина хызметкерлери ҳәм инфекцияны анықлаў лабораториясы хызметкерлери 14 күнлик “вахта” усылынан ҳәр күни жумысқа келип-кетиў усылына өтеди. Яғный дәстүрий жумыс формасына өтеди.

 

- жумыс көлеминен келип шығып, 6 күнлик ислеў мүмкинлиги белгиленген ҳалда ҳәр 30 күн ушын бир айлық жумысы ушын:

 -  шыпакерлерге — 25 млн сўм;

 -  орта медицина хызметкерлерине — 15 млн сўм;

 -  киши медицина хызметкерлерине — 10 млн сўм;

 -  басқа хызметкерлерге — 5 млн сўм хошаметлеў пуллары (дәрамат салығын есапламағанда) төленеди.

 

Яғный, Президенттиң 26.03.2020-жылдағы ПҚ–4652-санлы қарарында (https://lex.uz/docs/4775225) жоқарыдағы төлемлер ҳәр 14 күнде бир мәрте төлениўи айтылған болса, енди 30 күнде бир мәрте төлениўи белгиленбекте.

 

Сондай-ақ, бул хызметкерлердиң күнлик қосымша төлемлерден басқа, тийкарғы жумыс орнындағы айлығы сақланады ҳәм мийнет нызамшылығы бойынша дем алыс ҳәм байрам күнлери ислегенде ис ҳақы еки есе муғдарда төленеди.

 

Дерек: @xaliq_ushin

скачать dle 10.6фильмы бесплатно



  • 20-08-2020, 11:46 |
  • 2 456