Президент Шавкат Мирзиёев сырт еллерде жумыс ислеп атырған пуқараларды қоллап-қуўатлаў мәселесинде жыйналыс өткерди

 

Президент Шавкат Мирзиёев сырт еллерде жумыс ислеп атырған пуқараларды қоллап-қуўатлаў мәселесинде жыйналыс өткерди

 

Президент Шавкат Мирзиёев басшылығында сырт еллерде жумыс ислеп атырған пуқараларды қоллап-қуўатлаў мәселесинде өткерилген жыйналыстан (https://president.uz/uz/lists/view/3780) әҳмийетли тезислер.

 

Сыртқы мийнет миграциясының аймақлардағы филиаллары сырт еллердеги жумыс бериўшилер менен тиккелей ислесиў ҳуқықы бериледи. Бул филиаллар баслықлары Қарақалпақстан Республикасы Министрлер Кеңеси баслығы ҳәм ўәлаятлар ҳәкимлериниң жәрдемшилери есапланады.

 

Өзин өзи жумыс пенен тәмийинлеген шахсларды дизимге алыў системасын сырт еллерде жумыс ислеп атырған пуқаралардың мийнет стажын есаплаў ушын да қолланыўға тапсырма берилди.

 

Бас министр орынбасарларына миграция бойынша экономикалық, финанслық ҳәм шөлкемлестириў-ҳуқықый жәрдем бериў системасын ислеп шығыў ўазыйпасы жүкленди. Бул система сырт елге жумыс ислеўге кетиўши пуқараларға кәсип, шет тили, сырт елде жумыс ислеў көнликпелерин үйретиў, жол ҳақы, қамсызландырыў (страхование), пенсия ҳәм кредит алыў мәселелерин өз ишине алады.

 

Сондай-ақ, бул система арқалы сырт елде ислеп атырған пуқараларға сол сырт ел банклеринен кредит алыў имканияты жаратылады.

 

Сырт еллерде жумыс ислеўге кетиўши пуқараларға жол ҳақы, патент ҳәм қамсызландырыў қәрежетлери ушын 10 млн. сўмға шекем төмен процентте кредит ажыратыў бойынша көрсетпе берилди.

 

Мәҳәлле ҳәм шаңарақты қоллап-қуўатлаў министрлигине ҳәкимликлер менен бирге сырт елге жумыс ислеўге кеткен пуқаралардың шаңарағынан турақлы түрде хабар алып, ата-анасының ден саўлығы, перзентлериниң оқыўы ҳәм басқа мүтәжликлерине жәрдемлесиў ўазыйпасы қойылды.

 

Дерек: https://t.me/xaliq_ushin

скачать dle 10.6фильмы бесплатно



  • 18-08-2020, 19:20 |
  • 2 174