«Uzbekistan Airways» АЖ сентябрьге шекем халықаралық рейслерди бийкар етти

«Uzbekistan Airways» АЖ 16-августтан 31-августқа шекемги халықаралық қатнаўлар ҳәм жергиликли жөнелислер бойынша үзликсиз пәрўазлардың бир бөлеги мәжбурий бийкар етилиўи ҳаққында хабар берди.

«Пәрўазлар әмелге асырылатуғын мәмлекетлер ҳәм Өзбекстан Республикасының ҳәкимшилик орайларындағы эпидемиологиялық шеклеўлерди есапқа алған жағдайда халықаралық ҳәм жергиликли қатнаўлар кестесине өзгерислер киргизилди», деп айтады компания хабарында.

Авиакомпанияның веб-сайты арқалы ямаса Uzbekistan Airways Sales (алдын ҲАБА) филиалының кассасында компанияның 2020-жыл август айындағы бийкар етилген қатнаўларға авиабилетлерди сатып алған жолаўшыларға төлем формасына муўапық пул қаржыларын ваучер формасында алыў ямаса 2020-жыл 1-сентябрь күнинен баслап режелестирилген қатнаўларға бир мәртелик қайта бронлаў мүмкиншилиги усыныс етиледи.

 Uzbekistan Airways АЖның шет елдеги сатыўлар офисинде ямаса авиакомпанияның Өзбекстан Республикасы ҳәм шет елдеги авиатасыўлар сатыўы бойынша агентлеринен авиабилетлерди сатып алған жолаўшылар, пул қаржыларын ваучер формасында алыў ямаса ушыў сәнесин 1-сентябрьден баслап режелестирилген рейслерге қайта бронлаў ушын авиабилет сатып алынған орынға мүрәжат етиўи керек.

"Бийкар етилген қатнаўларға авиабилетлер сәнесин басқа сәнеге қайта бронлаў жолаўшылар тәрепинен қосымша төлемлерсиз әмелге асырылады.

 

«Авиакомпания Call-орайына көплеген қоңыраўлар келип атырғанлығы себепли,  хызметти күтиў ўақты сезилерли дәрежеде асты. Сол мүнәсибет пенен,  жолаўшылардан қатнаўлар бийкар етилиўи менен байланыслы қоңыраўлар менен Call-орайға мүрәжат етпеўлерин өтиниш етемиз”,  делинеди баянатта.

 

Сапура Темирханова

Дерек: Kruz.Uz

скачать dle 10.6фильмы бесплатно



  • 16-08-2020, 21:51 |
  • 1 018