М39 жолының Қазақстан аймағынан өтиўши бөлеги рәсмий түрде ашылды

М39 жолының Қазақстан аймағынан өтиўши бөлеги рәсмий түрде ашылды

 

12-июль күни Өзбекистан-Қазақстан мәмлекет шегарасында «Ақ алтын - Целинный» ҳәм «Малик- Сырдәрья» өткериў пунктлериниң рәсмий ашылыў мәресими өткерилди. Бул ҳаққында kun.uz басылымы хабар бермекте.

Бул пунктлер Өзбекистан пуқараларына М39 жолының Қазақстан аймағынан өтиўши бөлегинен пайдаланыўға имкан береди. Мәресимде еки мәмлекет ҳүкимет ўәкиллери, жәмәәтшилик қатнасты.

Енди Қубла ўәлаятлардан Ташкент қаласына барыўшы ҳәм қайтыўшы пуқаралар М39 жолының Қазақстан Республикасы аймағынан өтиўши 24 километрлик бөлегинен пайдаланыўлары мүмкин.

Усы ўақытқа шекем 17-пост деп аталыўшы жол-патруль хызмети маканынан Чиноз ЖПХ маканына шекем Сырдәрья ўәлаяты аймағында 70 км ге жақын жол жүретуғын еди. Туўры жол ашылыўы менен бул аралық 46 кмди қурайды.

Алдын берилген мағлыўматқа муўапық, мәмлекетлер шегараларын кесип өтиўде жеңиллестирилген паспорт бақлаўы жолға қойылады ҳәм кириў шығыў штамплары басылмайды.

скачать dle 10.6фильмы бесплатно



  • 12-07-2017, 09:43 |
  • 426