15-августтан кейин де сақланып қалынатуғын карантин шеклеўлери

Арнаўлы комиссия қарары менен төмендеги карантин шеклеўлери 2020-жыл 15-августтан кейин де сақланып қалынады:

 -  пуқаралардың жәмийетлик орынларда социаллық аралықты (2 метр) сақлаў, медициналық нықапта болыўы, бул талаплар бузылғанда қатаң шаралар көриў (жәриймаға тартыў);

 

 -  дене температурасы 37°С ҳәм оннан жоқары болған ямаса инфекция белгилери болған пуқаралардың жәмийетлик жерлерге шықпаўы;

 

 -  мәмлекетлик органлар, шөлкемлерде жыйналысларды өткериўди қадаған етиў, зәрүр жағдайларда жыйналысларды видеоконференц байланыс режиминде өткериў;

 

 -  мәдений-кеўил ашар ҳәм ғалабалық илажлар өткермеў;

 

 -  парклердеги аттракционлар жумысын қадаған етиў;

 

 -  улыўма аўқатланыў объектлери (ресторан, кафе ҳ.т.б.) жумысы (ашық ҳаўада хызмет көрсетиўши улыўма аўқатланыў орынларынан басқа) қадаған;

 

 -  түнги клублар, дискотека, спа ҳәм массаж салонлар, караоке, бильярд заллары, шылым (кальян) ҳәм компьютер ойынлары орайлары жумысына жол қоймаў;

 

 -  65 жастан үлкен шахслардың “өзин өзи жеккелеў” турмыс тәризине жасаў ҳәм ескертиўши үгит-нәсият жумысларын әмелге асырыў;

 

 -  таксилерде жолаўшы тасыў ушын автотранспорт қуралы салонында айдаўшы орны жолаўшылар орнынан пластик яки арнаўлы плёнка менен тосылған болыўы, ҳәмме медициналық нықапта болыўы, жолаўшылар тек арқа орынларда отырыўы ҳәм өзиниң аймағында (автотранспорт қуралы дизимнен өткен аймақта) ҳәрекетлениўи.

 

Дерек: https://t.me/xaliq_ushin

скачать dle 10.6фильмы бесплатно



  • 13-08-2020, 10:36 |
  • 3 124