Сораў: Жайдың ийесимен, оны сатажақ едим, үй-жай алды-саттысы бойынша толық мағлыўмат берсеңиз?

Жуўап: Бул бойынша Сиз өзиңиз жасап турған мәнзилге жақын қәлеген нотариал кеңсеге мүрәжат етиўиңиз керек, нотариус көшпес мүлк ийесиниң шахсын тастыйықлаўшы ҳүжжети, яғный паспорты, кадастр жыйым ҳүжжети, егер мүлк неке дәўиринде арттырылған болса неке гуўалығы ҳәмде өмирлик жолдасының жеке өзи паспорты менен келиўи тийис. Ал сатып алыўшы тәреп тек ғана паспорты менен келеди.

Өзбекстан Республикасы Әдиллик министриниң 04.01.2019-жыл 2-мҳ-санлы буйрығы менен тастыйықланған «Нотариуслардың нотариал ҳәрекетлерди әмелге асырыў тәртиби ҳаққында»ғы Қолланбаның 40-бәнтине көре, нотариус тәрепинен «Нотариус» автоматластырылған мәлимлеме системасы арқалы яки курьерлик хызметинен пайдаланған ҳалда төмендеги ҳүжжетлер алынады, яғный коммуналлық хызметлерден қарыздарлық бар яки жоқлығы туўралы мағлыўматнамалар, кадастр мағлыўматнамасы, салық бойынша қарыздарлық бар яки жоқлығы ҳаққындағы мағлыўматнама, үй-жайда (квартирада) турақлы пропискаға алынған шахслар ҳаққындағы мағлыўматнама, көшпес мүлк гиреўде болған жағдайда гиреўге алыўшының келисими.

Айтып өтиўимиз тийис, бул жерде Өзбекстан Республикасы Бас прокуратурасы жанындағы Мәжбүрий орынлаў бюросының ўәкиллигине киретуғын коммуналлық хызметлер бойынша қарыздарлық ҳаққындағы мағлыўматлар тек ғана Мәжбүрий орынлаў бюросының мәлимлеме системасы арқалы онлайн режиминде нотариус тәрепинен тексериледи.

 

Т.Караматдинов,

Ҳуқықый хызмет көрсетиўди мәмлекет тәрепинен

тәртипке салыў бөлими баслығы

Дерек: https://t.me/huqiqiymalimleme 

 

скачать dle 10.6фильмы бесплатно



  • 8-08-2020, 20:29 |
  • 1 512