Ҳүкиметке ашық ХАТ

Ҳүкиметке ашық ХАТ

 

Дерек: JOLDA JU'RGEN JOLAWSHI August 07, 2020

 

 

Қарақалпақстан Республикасы Министрлер Кеңеси баслығы Сариевке!

АШЫҚ ХАТ

 

Ҳүрметли Кахарман Раматуллаевич!

Коронавирус пандемиясы ўақтында жергиликли Ҳәкимиятты халық пенен бирге болыўға шақыраман.

 

2020-жыл 30-июльдеги «Коронавирус пандемиясы ўақтында социаллық қорғаўға ҳәм жәрдемге мүтәж халық қатламларын материаллық қоллап-қуўатлаўға байланыслы қосымша илажлар ҳаққында»ғы пәрманы қабыл етилгени менен, бул Пәрман бойынша халықтың барлық қатламын өз ишине алмайды.

 

Коронавирус пандемиясы дәўири биз қандай қүдиретли елде жасап, күн көрип, тиришилик етип, кимлерди бағып киятырғанымызды көрсетти, еледе көрсетеди.

 

Базар ҳәм азық-аўқат дүканларындағы азықлық өнимлериниң баҳасы күннен күнге өсип келмекте.

Әсиресе гөш баҳасы 60.000 сум.

 

Қарақалпақстанда ХАЛЫҚТЫ ойлайтуғын, жуўапкершиликти мойнына алатуғындай басшы болса базар ҳәм дүканлардағы гөш ҳәм басқа азықлық өнимлердиң баҳасын қолға алатуғын ўақты келди!

 

Илтимас, халықты алдап гөштиң баҳасы 38.000 сум дегенди қойың!!!

 

https://www.facebook.com/groups/karakalpakstan.uz/permalink/990510061400800/

Қолыңыздан келсе исле, келмесе қойың дейтуғын - енди Ақсақалда жоқ!


Усындай қыйын дәўирде халықты ойлаң, себеби халық Ҳүкиметти ойлап, Қарақалпақстанда жасаўшы барлық пуқаралар жәрдем сорап атырғаны жоқ.

 

Сорағанда да пайдасы жоқ - екенлигин халық түсинди. Тек саўдадағы баҳаны қадағалаң!

 

Қолыңыздан келмесе, булда пандемия сынағына қосып берилген бир тәғдирдиң сынағы шығар деп қабыллаймыз. Себеби түсинип жеттик, көрдик ҳәм билдик, исенемиз, үмитимиз жоқары, себеби мәмлекетимиздиң уллы ҳәм қүдиретли болыўын, сондағы 30 жылдан берли күтпектемиз.

 

Деген менен бизлер келешектиң емес бүгинги күнниң тиришилиги менен жасап атырмыз. Келешекке аман-есен жетип алыў жылдың ең баслы әрманы болып тур.


Бүгинги күн, бүгинги жейтуғын ТАМАҚ, келешегимизден әҳмийетлирек болып турғандай!

 

Шексиз үмитлер менен,
Юсуп Жаримбетов

 

 

скачать dle 10.6фильмы бесплатно



  • 8-08-2020, 14:26 |
  • 5 418