Қашқадәрьяда машинада жанып кеткен шаңарақ ҳаққында қосымша мағлыўмат берилди

Қашқадәрьяда машинада жанып кеткен шаңарақ ҳаққында қосымша мағлыўмат берилди

Қашқадәрья ўәлаяты прокуратурасы автомобильде өзине қосып үш перзенти ҳәм ҳаялын жағып жиберген шаҳрисабзлы еркек ўақыясына мүнәсибет билдирип, ҳәким ҳәм ИИБ баслығы орынбасары, МПЖ баслығы ҳәм профилактика инспекторына интизамий шара көриў мәселеси көрип шығылып атырғанын мәлим етти. Бул ҳаққында daryo.uz’ға ўәлаят прокуратурасы мәлимлеме хызмети баслығы Жасур Шукуров хабар берген.

https://t.me/makan_uz/10959

Жасур Шукуровтың мәлим етиўинше, Шаҳрисабз қаласында жасаған Н.С. 2020-жылдың 30-июль күни өмирлик жолдасы З.О. ҳәм перзентлери менен өзине тийисли автомашинада дайысының үйинен қайтып киятырған ўақытта ҳаялы менен тартысып қалады.

 

Пуқара шаңарақлық урыс себеп автомобильди жолдың шетине тоқтатып, есиклерин қулплап машинада болған бензин жанылғысын өзи, ҳаялы ҳәм перзетлериниң үстине сеўип, жағып жиберген.

 

Ўақыя орнына жетип келген пуқаралардың көмеги менен Н.С, ҳаялы З.О, улы И.Н ҳәм қызы С.К.лар районлық медицина бирлеспесине алып барылған.

 

Бирақ, шофёрдың қызы Ш.К. автомашинада қалып қойғаны себепли ўақыя орнында қайтыс болған. Н.С.ның өзи ҳаялы ҳәм перзентлери көрсетилген медициналық жәрдемге қарамастан сол күни медицина бирлеспесиниң жанландырыў бөлиминде қайтыс болған.

 

Бул жағдай бойынша Шаҳрисабз район прокуратурасы тәрепинен Жынаят кодексиниң 97-статьясы 2-бөлими менен (қастан адам өлтириў) жынаят иси ашылған болып, тергеў ҳәрекетлери алып барылмақта.

 

Сондай-ақ, үйрениўлер даўамында Шаҳрисабз қаласы ҳәкими орынбасары, Маҳалла ҳәм шаңарақты қоллап-қуўатлаў бөлими баслығы Ш.Раҳмонова, қалалық ИИБ баслығы орынбасары Н.Эшмуродов, «Гулистон» МПЖ баслығы Ҳ.Омонов ҳәм аймақ профилактика инспекторы Ж.Мўминовлар өзине жүклетилген ўазыйпаны орынламағаны, шаңарақта болып атырған урыслардың түпкиликли себеплерин үйренип, сапластырыў илажларын көрмегени анықланып, оларды интизамий жуўапкершиликке тартыў ҳаққында ис ашылған.

 

Аўдарма: makan.uz

 

скачать dle 10.6фильмы бесплатно



  • 7-08-2020, 17:03 |
  • 3 964