Цемент саўдасына байланыслы Ҳәкимшилик жуўапкершилик ҳаққындағы кодекске өзгерис киргизиледи

Ҳәкимшилик жуўапкершилик ҳаққындағы кодекске өзгерис ҳәм қосымшалар киритиледи. Норматив-ҳуқықый ҳүжжетлер жойбарлары додалаўы порталына «Өзбекстан Республикасының Ҳәкимшилик жуўапкершилик ҳаққындағы кодексине өзгерис ҳәм қосымшалар киргизиў ҳаққында»ғы нызам жойбары жәрияланды.

 

Өзбекстан Республикасының 1994-жыл 22-сентябрьде қабылланған 2015–XII-санлы Нызам менен тастыйықланған Өзбекстан Республикасының Ҳәкимшилик жуўапкершилик ҳаққындағы кодексине өзгерис ҳәм қосымшалар киргизиледи.

 

178-статья (Бәсеки ҳаққындағы нызам ҳүжжетлерин, тәбийий монополиялар ҳаққындағы нызам ҳүжжетлерин ҳәм тутыныўшылардың ҳуқықларын қорғаў ҳаққындағы нызам ҳүжжетлерин бузыў) сегизинши бөлим менен толықтырылады.

 

Оған муўапық, ишки базарда цемент өнимлерин усақлап сатыўда тутыныўшылар ҳуқықларын қорғаў ҳаққындағы нызамшылық талапларын бузыў – ҳуқықбузарлықта айғақлы затларын конфискация етип, пуқараларға базалық есаплаў муғдарының үш есесинен жети есесине шекем, лаўазымлы шахсларға болса жети есесинен он есесине шекемги муғдарда жәрийма салыўға себеп болады.

 

Сегизинши-тоғызыншы бөлимлер тийислилигинше тоғызыншы-оныншы бөлимлер деп есапланады.

 

Оныншы бөлим диспозициясындағы «үшинши – сегизинши бөлимлеринде» деген сөзлер «үшинши – тоғызыншы бөлимлеринде» деген сөзлер менен алмастырылады.

 

Аўдарма: makan.uz

скачать dle 10.6фильмы бесплатно



  • 6-08-2020, 13:06 |
  • 2 017