Өзбекстанда күнлик өлим көрсеткиши айтылды

Статистикаға көре,  Өзбекстанда күнине ҳәр түрли себеплер менен 500-600 адам қайтыс болады.

Коронавирусқа қарсы гүресиў штабы ағзасы Ражаббой Исроилов  мәмлекетте улыўма өлим жағдайларының күнлик көрсеткиши ҳаққында мағлыўмат берди.

 «Өзбекстанда статистика бойынша бир күнде 500ден 600ге шекем өлим жағдайы жүз бермекте. Булар арасында жас балалардан тартып кекселерге шекем бар. Июль айында жазғы шилле болғаны ушын бул статистика,  өлим аўҳали көбейиўи мүмкин.

 Кеселлик бар екен,  өлим де болады. Коронавирус тарқалыўын шегаралаў ушын барлық емлеўханаларда сол инфекция ҳәм басқа кеселликтен қайтыс болғанларды тек ғана Республика патологоанатомия орайы арқалы жуўып,  дезинфекциялап бериў жолға қойылған еди. Наўқас коронавирустан қайтыс болған болса,  шөлкемлестирилген усылда мазарға алып барылатуғын,  басқа кеселден қайтыс болған болса,  ағайынлерине берип,  оны да үйине гүзетип,  өзиниң мәҳәллесинде жерленер еди.

 Өлим аўҳалы бир орында жыйналып қалмаўы ушын Ташкент қаласындағы барлық емлеўханаларда патологоанатомия бөлимлерин шөлкемлестирип,  денени сол орыннан ағайынлерине бериўди шөлкемлестириў жобаластырылған. Бул бойынша көрсетпе тайын, усы күнлерде жолға қойылады», - деди Ражаббой Исроилов кеше МҒКАдағы брифингде.

 Еслетип өтемиз, алдын наўқас қайтыс болғаннан кейин еки саат өткеннен,  коронавирус денеде өз күшин жоғалтатуғынын ҳәм сол көз-қарастан, дене еки саат сақланғаннан кейин ғана оның ағайынлерине берип жибериўге рухсат бериў усынысы берилгенин айтып өткен едик.

 

Дерек: https://kruz.uz

скачать dle 10.6фильмы бесплатно



  • 6-08-2020, 11:16 |
  • 3 101