Қарақалпақстанда 2020-жыл декабрь айынан баслап «уход», «пособие» ҳәм «жәрдем пулы» жаңа тәртип бойынша тайынланады

04.08.2020-жылдағы Президент қарарына (https://t.me/minfinuzb/2242) муўапық, 2020-жыл сентябрь айынан баслап мәмлекетимизде «уход», «пособие» ҳәм «жәрдем пулы» (яғный социаллық напақалар) «Социаллық қорғаў бирден-бир реестри» мәлимлеме системасы арқалы тайынланады.

 

Жаңа тәртипке муўапық, пуқаралар социаллық напақалар алыў ушын ҳәр айдың 15-сәнесине шекем мәкан пуқаралар жыйынларына арза береди. Арзаға төмендеги ҳүжжетлердиң нусқалары қосымша қылынады:

 - паспорт;

 - неке гүўалығы;

 - бала туўылғанлығы ҳаққындағы гүўалық.

 

 -  Мәҳәлле арзаны ҳүжжетлери менен бирге 2 жумыс күни ишинде Пенсия қорының район (қала) бөлимине тапсырады.

 

 -  Пенсия қоры арзаларды 2 жумыс күни ишинде системаға киргизеди.

 

Шаңарақтың дәрамтлары ҳәм мал-мүлки электрон система арқалы тийисли органлардан ҳүжжетлер алыў жолы менен үйрениледи.

 

Социаллық напақа тайынланғанлығы яки тайынланбағанлығы ҳаққында қарар система тәрепинен автомат түрде қабыл етиледи. Бул қарар пуқараға СМС арқалы хабар жибериледи.

 

Егер шаңарақтың ҳәр бир ағзасына туўра келетуғын орташа дәраматы 358,000 сўмнан артық болмаса, социаллық напақа тайынланады.

 

 Социаллық напақалар төмендеги жағдайларда тайынланбайды:

 - ҳәр бир шаңарақ ағзасына туўра келетуғын орташа айлық дәраматы 358000 сўмнан артық болса;

 - шаңарақ ағзаларынан мийнетке жарамлы адам «жумыссыз» сыпатында дизимде турмаған болса;

 - шаңарақ ағзаларының атында ақырғы 7 жыл ишинде ислеп шығарылған транспорт қуралы болса;

 - 2 яки оннан артық транспорт қураллары болса;

 - 2 яки оннан артық көшпес мүлк болса.

 

Белгиленген шәртлерге жуўап беретуғын пуқаралар система тәрепинен автомат түрде сол дәўирде ажыратылған қаржы шеңберинде сайлап алынады. Яғный арза бергенлердиң барлығына да тайынланбайды. Қалған пуқараларға қаржы муғдарына кейинги айларда тайынланыўы мүмкин.

 

Напақа тайынланған пуқаралардың ведомостьлары банкке электрон формада жибериледи. Банк болса өз нәўбетинде напақа пулларын арза берилгеннен кейинги айдың 5-25-сәнелери аралығында пуқараларға төлеп береди.

 

Қарақалпақстанда жаңа тәртип бойынша напақалар тайынлаў усы жылдың декабрь айынан басланады.

 

Дерек: https://t.me/xaliq_ushin

скачать dle 10.6фильмы бесплатно



  • 5-08-2020, 20:21 |
  • 4 486