Социаллық напақаларды тайынлаӯ процесси автоматластырылады

«Халыққа мәмлекетлик социаллық хызметлер ҳәм жәрдем усыныӯ тәртип-қағыйдаларын автоматластырыӯ бойынша қосымша илажлар ҳаққында»ғы Президент қарары қабыл етилди.

 

Қарарға муӯапық, 2020-жылдың 1-сентябринен социаллық напақаларды тайынлаӯ ҳаққындағы арзаларды көрип шығыӯ ҳәм оларды тайынлаӯ тәртип-қағыйдалары басқышпа-басқыш «Социаллық қорғаӯ бирден бир реестри» мәлимлеме системасы жәрдеминде әмелге асырылады.

 

Кем тәмийинленген шаңарақлардың мүтәжлик дәрежесин объектив баҳалаӯ, қарарларды қабыл етиӯде субъектив жантасыӯды сапластырыӯ системасын енгизиӯдиң тийкарғы мақсетлеринен бири есапланады.

 

Қарар менен 2021-жыл 1-январьдан баслап мәмлекетлик социаллық хызметлер ҳәм жәрдемин усыныӯда пуқаралардан талап етилмейтуғын ҳүжжетлер ҳәм мағлыӯматлар дизими тастыйықланды.

 

«Социаллық қорғаӯ бирден бир реестри» МС арқалы кем тәмийинленген деп тән алынғанлық ҳаққындағы мағлыӯматнама бирден бир интерактив мәмлекетлик хызметлери порталы арқалы усынылады ҳәм 12 ай даӯамында әмел етеди.

 

Бюджеттен тысқары Пенсия қоры атқарыӯшы аппаратында пуқаралардың «Социаллық қорғаӯ бирден бир реестри» МС арқалы социаллық напақаларды тайынлаӯға байланыслы мүрәжатлар ҳәм шағымларды қабыл етиӯ бойынша сектор шөлкемлестириледи.

 

Мағлыӯмат ушын: «Социаллық қорғаӯ бирден бир реестри» МС 2019-жыл 1-октябрь күнинен берли тәжирийбе-сынаӯ сыпатында Сырдәрья ӯәлаятында ислетилип келинбекте.

 

Дерек: @huqiqiymalimleme

скачать dle 10.6фильмы бесплатно



  • 5-08-2020, 20:10 |
  • 1 312