1-августтан баслап енгизилген өзгерислер

Алкоголь менен усақлап сатыӯға рухсат бериӯши гүӯалықлар шекленбеген мүддетке бериледи.

 

Алкоголь өнимлери менен усақлап саӯда етиӯ, сондай-ақ улыӯма аӯқатланыӯ кәрханалары тәрепинен алкоголь өнимлерин сатыӯ ҳуқықына рухсат бериӯши гүӯалықлар шекленбеген мүддетке бериледи.

 

Ислеп шығарыӯшылар тәрепинен туристлик бағдарларда шөлкемлестирилген дегустация аймақларында реализация етилген тәбийий вино (орамланғаннан тысқары) өнимлерине ноль дәрежели ставка бойынша акциз салығы салынады.

 

Сондай-ақ, ислеп шығарыӯшылар тутыныӯ спиртиниң 50 пайыз ҳақын алдыннан төлеӯ шәртлеринде реализация етиӯ ҳуқықына ийе болады.

 

Мәжбүрий орынлаӯ бюросының бир қатар ӯәкилликлери тийисли шөлкемлерге өткериледи:

- электр энергиясы ҳәм тәбийий газ тутыныӯын қадағалаӯ ҳәм есапқа алыӯдың заманагөй автоматластырылған системалары, сондай-ақ альтернатив энергия дереклерин енгизилиӯин шөлкемлестириӯ ҳәм усы процесслер үстинен мониторинг өткериӯге байланыслы ӯазыйпа ҳәм ӯәкилликлер – Энергетика министрлигине;

- электр энергиясы ҳәм тәбийий газ ушын төлемлерди өз ӯақтында ҳәм толық өндирилиӯин тәмийинлеӯ, тутыныӯшылардың қарыздарлығын кемейтириӯ, сондай-ақ электр энергиясы ҳәм тәбийий газ сатыӯы ҳәм тутыныӯын есапқа алыӯ бойынша ӯазыйпа ҳәм ӯәкилликлери - “Аймақлық электр тармақлары” АЖ ҳәм “Аймақлықгазтәмийнаты” АЖниң аймақлық шөлкемлерине;

- электр ҳәм газ бөлистириӯ тармақларына нызамсыз жалғаныӯ, талан-тараж жағдайларын анықлаӯ, сапластырыӯ ҳәм алдын алыӯға байланыслы ӯәкилликлер – “Аймақлық электр тармақлары” АЖ ҳәм “Аймақлықгазтәмийнаты” АЖниң аймақлық шөлкемлерине ҳәмде тийисли ҳуқық қорғаӯ органларына;

- электр энергиясы ҳәм тәбийий газди абайлаӯ ҳәм олардан пайдаланыӯ бойынша тутыныӯшылардың ҳуқықый мәдениятын ҳәм жуӯапкершилигин асырыӯға байланыслы ӯазыйпа ҳәм ӯәкилликлери – Энергетика министрлиги, “Аймақлық электр тармақлары” АЖ ҳәм “Аймақлықгазтәмийнаты” АЖине;

- энергия ресурслары ушын есап-китап етилиӯин тәмийинлеӯ системасын комплекс анализлеӯ, системалы машқалаларды анықлаӯ, жетилистириӯ бойынша усынысларислеп шығыӯға байланыслы ӯазыйпалар – Энергетика министрлигине.

 

“Әндижан”, “Бухара” ҳәм “Үргениш” халықаралық аэропортларында халықаралық ҳуқық нормаларына муӯапық “Ашық аспан” режими енгизиледи.

 

Тартысларды судқа шекем шешиӯ бойынша аппеляция кеңеслери шөлкемлестириледи.

 

Эксперимент сыпатында Мәмлекетлик бажыхана комитети, Давергеодезкадастр, бюджеттен тысқары Пенсия қоры ҳәмде Наманган, Бухара ҳәм Ташкент ӯәлаятлары ҳәкимликлери жанында Физикалық ҳәм юридикалық шахслар ҳәмде мәмлекетлик органлар ортасында Тартысларды судқа шекем шешиӯ бойынша аппеляция кеңеслери шөлкемлестириледи.

 

Физикалық ҳәм юридикалық шахслар мәмлекетлик органлар ямаса лаӯазымлы шахслардың нызамсыз ҳәрекетлери (қарарлары) ямаса ҳәрекетсизлигиниң нәтийжесинде өз ҳуқықлары ҳәм еркинликлери ҳәмде нызам менен қорғалатуғын мәплери бузылғанлығы ҳаққындағы мүрәжатлары аппеляция кеңеси тәрепинен көрип  шығылады.

 

Айырым транспорт қуралларына утилизация жыйымы енгизиледи.

 

Транспорт қуралының түри, тайпасы, ислеп шығарыӯ мүддетинен келип шығып, базалық есаплаӯ муғдарының 30 есесинен 1500 есесине шекем утилизация жыйымы өндириледи.

 

Темир жол транспорты шөлкемлери өзлериниң мәлимлеме системаларына интеграциялаӯ арқалы бажыхана қадағалаӯы астындағы  вагон ҳәм контейнерлердиң мәмлекет ишиндеги ҳәрекетлери ҳаққындағы мағлыӯматлары бажыхана органларына реал ӯақыт режиминде бийғәрез түрде усынады.

 

Айырым транспорт қуралларын алып кириӯ ушын акциз салығы ставкалары бийкар етиледи.

 

8701 (тракторлар), 8702 (10 ямаса оннан артық адамды тасыӯға мөлшерленген моторлы транспорт қураллары), 8703 (жеңил автомобиллер) ҳәм 8704 (жүк тасыӯға мөлшерленген моторлы транспорт қураллары) ТИФ ТН кодлар бойынша транспорт қуралларын алып кириӯде әмелде болған  акциз салығы ставкалары бийкар етиледи.

 

Сенатта Өзбекстанның сырт ел мәмлекетлериндеги елшилери есабатын еситиӯ системасы жолға қойылады.

Мәмлекетлик тилде маркировкаланбаған товарға муӯапықлық сертификаты берилмейди.

 

Министрлер Кабинети тәрепинен тастыйықланған дизим бойынша импорт етилетуғын тутыныӯ товарларының айырым түрлери ислеп шығарыӯшы тәрепинен Өзбекстанның мәмлекетлик тилинде  (латын жазыӯына тийкарланған өзбек әлипбесинде) маркировка етилмеген жағдайда, усы товарларға  муӯапықлық сертификатын рәсмийлестириӯ қадаған етиледи (нызам ҳүжжетлериндеги шеклеӯлерден тысқары).

 

Нөкис қаласы ҳәм ӯәлаят орайларында улыӯма пайдаланылатуғын транспортта жолаӯшы тасыӯ ушын жол ҳақын төлеӯ автоматластырылған система арқалы әмелге асырылады.

 

Айырым театр ҳәм музей-қорықханалар билетлерин сатыӯ БОЯТО арқалы әмелге асырылады.

 

Өзбекстан Республикасының “Көп квартиралы үйлерди басқарыӯ ҳаққында“ғы Нызамы күшке киреди.

 

 

@huqiqiymalimleme

скачать dle 10.6фильмы бесплатно



  • 2-08-2020, 23:18 |
  • 4 709